李嘉欣早前滑雪整傷腰骨，好彩老公救佢一命。
藝人李嘉欣出席馬場活動，早前她因滑雪弄傷腰骨？她透露已接近康復：「淨番20%就好番晒，我都開始做番運動，一星期做三次物理治療，醫師話我比同期嘅人康復得快，好感恩！ （上次你投訴老公冷漠？）佢否認，佢話同一個故事由我講出嚟係兩個版本，話救咗你一命又唔提？因為佢喺好遠衝過嚟，但我唔滿意係佢話冇事叫我繼續前行，不過佢呢種精神用嚟鼓勵小朋友都啱！（復活節有冇出埠？）我哋去咗日本郊區享受大自然，不過我又有食物敏感，搞到皮膚敏感，可能係食物或者床單關係。（你今年不宜出門？有冇攝太歲？）我冇攝太歲，暑假或者留喺屋企靜養。（會唔會老公同個仔自己去？）佢話就算去邊我都一定要參與，不過我覺得心理質素都好重要，唔好形住就冇嘢！（依家少接工作？ ）會揀得好謹慎，唔會接大project。（婚後唔工作？ ）我事業心唔係咁重，做完嘢返屋企最開心。（有冇人搵你拍戲？ ）有人搵做真人騷，但我唔會。（金錢打動唔到你？ ）打動唔到好耐，我想有多啲時間做自己野，而且試過有人問老公可唔可以借我幾日客串拍戲，佢話唔可以，一口拒絕。（你啲影迷咪好失望？ ）唔知呢，我冇乜影迷。（但你社交平台好多？）個個社交平台都多，總之我想做自己舒服嘅嘢，依家又唔需要保持見報率。」
嘉欣又指對生小朋友一切隨緣，並謂兒子十分抗拒有細佬妹，因為現在家中是山寨王，不想焦點被分薄。
來源 source: http://hk.on.cc
|
鍾意就快D Share啦！
|
|
|
