欣宜踢爆周秀娜已經連踩廿四粒鐘。
藝人周秀娜（Chrissie）與鄭欣宜（Joyce）為其主演的新片《29+1》於銅鑼灣舉行宣傳活動，與導演彭秀慧及演員楊尚斌與現場觀眾大玩遊戲，Chrissie與Joyce與觀眾大玩親密遊戲，餵觀眾食麵包之餘，又玩摺飛機及幫觀眾變裝等遊戲，電影將於5月11日正式上映。
開工到30係標準
穿上露腰裝的Chrissie一臉疲態示人，Joyce就爆料指她已經連續24小時工作，Chrissie就解釋她剛為無綫新劇《宮心計2深宮計》開工，又有其他工作在身，要拍廣告亦要為電影宣傳所致，被問何時有時間休息？她說；「一陣會抖下，但夜啲要繼續拍劇，我由尋日朝早做嘢做到今朝早。」她謂是剛巧有幾樣工作在身才會那麼累，至於是否覺得拍劇辛苦？她謂最辛苦是要花時間化妝，整頭及穿戲服，光是花在服飾及化妝時間就需要三、四小時，被問拍劇平均需要多少時間？她笑謂：「之前好啲嘅，最近同30呢個字好有緣，因為開工開到30（指早上六點）係標準，大家都係咁架」
隔段時間先拍古裝
雖然忙於拍劇，但她亦落力為電影宣傳，預計之後要到內地為電影繼續宣傳，而且《宮心計2深宮計》拍完香港的場口五月就要到內地拍外景。Chrissie被問有否向曾拍過劇的Joyce請教如何分配時間？Joyce笑指：「上次係我，今次係你，不過古裝就大鑊啲！我都係時裝，落妝就ok。」Chrissie被問會否怕再接拍劇集？她直言：「唔會，不過如果再拍古裝就要隔一段時間先啦。（要抖下？）係」
來源 source: http://hk.on.cc
|
鍾意就快D Share啦！
|
|
|
