美國聯合航空（United Airlines）一個航班，因超額訂票而將一位唔願意落機嘅華裔乘客強行拖走，有乘客拍晒片掟上網，即刻成為國際新聞，間航空公司亦因此畀網民鬧爆！
原來藝人杜汶澤都遇過機位超賣，佢仲將件事POST上網，佢留言：「真係好心噏。其實大家又知唔知，你比（畀）咗錢訂咗機位，都唔代表你100%上到機。我同助手尾寶，就試過咁嘅經歴。話說有一次去某個國家拍戲，果（嗰）度出曬（晒）名無（冇）啖好食，所以一般人如果唔係為咗錢，絕對唔會去。」
之後嗰朝佢同埋助手去到機場check in，點知個地勤話班機爆咗冇位！杜汶澤將佢同地勤嘅對話寫埋出嚟！
「地：...... 你無（冇）位喎。
我：吓？哦。尾寶！
咁尾寶咪比（畀）張 e ticket 比（畀）佢囉⋯⋯
地：係，你係訂咗位，不過我地（哋）爆左（咗）喇，所以你上唔到機喇！
我同尾寶異口同聲大叫：係咪真咖（㗎）？
一諗到唔使再去某國，兩個即時跳起yeah之後我就同個地勤講：
咁麻煩你同個製片講有件咁嘅事，今日拍唔到嘞，你話你肯賠，咁就ok咁我就返去瞓嘞吓！
寶：好呀！多謝你呀小姐，我其實好眼訓（瞓）呀！
出咗名成日肚餓同眼訓（瞓）嘅尾寶當然好開心。即刻打比（畀）製片，然後將個電話交比（畀）地勤人員。我隱若聽到電話裡（裏）面傳來鏗鏘響亮嘅粗口聲，從地勤個樣睇嚟，件事其實未完。地勤收綫（線）之後，打咗個電話，跟住又有一兩個人過嚟，又㩒（撳）下（吓）部電腦。之後佢好似好X驚喜咁吊高把聲話：
綺（咦）！杜先生！我搵到個位比（畀）你呀！
我：『搵到』個位比（畀）我？我訂咗咖（㗎）！
之後我地（哋）拖住兩個hand carry 同兩條半睡嘅身軀上機。
寶：『搵到』個位喎，九成九搵到第二個好蝦d（啲）嘅乘客就真
我：咁梗係啦。」
爆完粗就有機位？唔知係咩玩法呢？之後杜汶澤仲話：「點解因為飛行成本高，就可以一千個位賣千幾張機票呢？點解比（畀）咗錢都唔等於飛到呢？究竟係咩logic乜嘢法律可以咁保障航空公司呢？係咪全世界都咁呢？」
|
鍾意就快D Share啦！
|
|
|
