哈哈！
前港姐黃心穎以低胸裙在中環出席《2017香港小姐競選》記招。黃心穎昨晚被拍得與緋聞男友馬國明在觀塘睇戲，黃心穎表示日只是普通睇戲食飯，並非要向馬國明「照肺」。
網民希望馬國明追求甩拖的唐詩詠，問到黃心穎會否呷醋？她說：「唔會，如果咁樣都呷醋，我就唔係一個好女仔，我明白網民心態，但幻想和真實係兩樣嘢。（同馬國明開始拍拖？）未，因為大家好耐冇放假，大家拍嘢都辛苦。（加速發展奠定女友地位？）兩個人嘅事，唔會因為別人講咩而改變。（馬國明受訪時同唐詩詠緋聞劃清界線會唔會安心啲）？佢哋係朋友，唔使劃清界線，我都有留意詩詠訪問，見佢喊都好心噏，我都試過畀人亂寫，所以好諒解，相信佢好快冇事。」
另外，提到其參選前後的相片差別相當嚇人，還被司儀取笑是坐監前後的相片，心穎笑說是18歲所拍，自己重看也被嚇到，問到可會給馬國明看？她笑說：「冇所謂，應該唔會嚇親啩。」
來源 source: http://hk.on.cc
|
鍾意就快D Share啦！
|
|
|