台灣女生天生有撒嬌嘅能耐，只要講嘢嗰陣，加啲疊字如「肚子餓餓呀，我很怕怕呀！」再喺說話尾音加「耶」、「呵」，語調溫柔甜膩，再多個仰慕崇拜表情─10個男人，10個飄到上太空。大台最近播嘅《不懂撒嬌的女人》，標榜4K全實景拍攝，仲去埋上海、台南取景，落足本。講到撒嬌呢個議題，獨立硬朗嘅港女，確實同台妹差幾班。為咗搵個正宗台妹，大台喺套劇就真係搵咗台灣「宅男女神」張瑋純(Mico)，做王浩信表妹，前晚劇情講到王浩信同唐詩詠喺台南相遇，王浩信呢位表妹純純亦終於出場。今年32歲嘅Mico，同香港代表唐詩詠同場較量，憑無敵嗲功，瞬間KO詩詠BB。11年曾經參加過亞洲小姐選拔賽嘅Mico，雖然當年10強止步，但依然衣錦還鄉喺台灣人氣急升。日前(8日)，身在台灣嘅Mico接受《蘋果》獨家訪問，親自剖析台妹有咩殺着，可以輕易擊倒港女。Mico話：「我覺得台灣女生的優點，可能是家庭從小的教育比較傳統有點關係吧，我們比較想要照顧人、關心人，講說話較為溫柔一點。而我會看情況，愛撒嬌的時候會撒嬌。香港的女生做事很直接果斷，比較強勢，她們不會用嘴巴講的，而是直接會做的，但男生未必喜歡這種女生。我覺得如果說話輕聲輕語一點，然後溝通溫柔一點，好像事情比較容易達成。」Mico舉咗個比喻，分析台妹同港女對待男友嘅分別：「香港女生會說叉燒飯好吃，哪一間好吃，我們去吃，但是台灣女生答男友時，會說『你要吃什麼？我什麼都可以！吓！三寶飯？嗯…可是有一點油，不過你想吃，也可以去吃』你知道那個婉轉，有時候會讓人覺得容易接受。因為台灣女生有時會有點害怕別人不喜歡，想要配合人家。」Mico認為好多人會將「撒嬌」同「鼓勵」混淆。佢話：「其實有時男生回到家很累，你只需要關心一下他『你很累嗎？你有遇到甚麼挫折嗎？加油呀，你是最棒的』，這種鼓勵說話，讓他覺得自己很厲害。我有時都會講，因為我覺得人真的需要鼓勵。」講到台妹獨有嘅疊字，Mico就話其實有時好自然講說話會加一點點疊字，但唔可以過份，否則連女生都會討厭你。對於香港男仔同台灣男仔，Mico就話只要係好男生，台灣、香港都可以…機會嚟喇飛雲！
|
鍾意就快D Share啦！
|
|
|