千萬續約連賣樓套現千萬
阿嬌籌錢買淺水灣豪宅
現年36歲的鍾欣潼（阿嬌）走過高山低谷，近年轉戰內地的她，愛買磚頭保值，試過一口氣連掃羅便臣道兩單位，其後因無力供樓蝕讓一個；最近與內地富二代傳緋聞的她，上月29日以1,152萬放盤賣出一號．西九龍單位，據知她劈價28萬急散貨籌錢，原來阿嬌剛與英皇以千萬續約，睇中淺水灣區超級豪宅想換樓，越住越富貴。
阿嬌被讀者爆料指於上月29日減價賣盤，急散貨的她袋走1,152萬。資料圖片
鍾欣潼和蔡卓妍於01年組成女子組合Twins，兩女憑《明愛暗戀補習社》一炮而紅，橫掃樂壇新人獎，當時年僅21歲的阿嬌，翌年首踏紅館舉行Twins「Ichiban興奮演唱會」，打破最年輕在紅館開騷的歌手紀錄，本來事業一帆風順，惟08年捲入慾照風波，工作全部叫停！當時擁有羅便臣道31號兩個近3千萬單位的她，最後因長期停工無力供樓，蝕讓其中一個單位，近年阿嬌轉戰內地賺人仔，又再密密入市掃貨，前日有讀者爆料，阿嬌以1,152萬成交價賣出長沙灣一號．西九龍物業。
計埋釐印費及律師費等，阿嬌賣出的一號．西九龍應是平手離場。
剛與英皇以千萬續約的阿嬌，睇中淺水灣超級豪宅區。
平手離場
據讀者表示，阿嬌於上月29日售出一座低層C單位：「佢原本開價1,180萬放盤，仲好寸冇得睇樓，之後減到1,152萬至賣得出。」資料顯示，阿嬌於13年4月用真名鍾嘉勵與媽媽以979萬聯名買入低層三房單位，實用面積864呎，雖然賬面賺173萬，但計埋代理佣金、釐印費、律師費和三年差餉地租等，實際上可能是平手走，似乎想套現急走散貨。
阿嬌曾經4次改名，原名是鍾狄珊，兩歲時改名鍾嘉勵，入行後藝名鍾欣桐，4年前再改為鍾欣潼，當時阿嬌表示希望改名後有新改變和新開始，堪輿學家麥玲玲則指阿嬌的新名催姻緣，會識到有錢男仔，35至40歲有結婚運，異地姻緣更好。而阿嬌跟韓籍舊愛權寧一（K先生）分手後，最近被爆搭上內地富二代秦奮，公然陪對方打籃球玩愛情當入樽，還被他情挑摸耳仔，不過阿嬌堅稱只是朋友。
【開巡唱】Twins早前舉行世界巡唱，阿Sa和阿嬌拍住上搵錢。資料圖片
【上綜藝】轉戰內地的阿嬌除上綜藝節目，又拍內地劇《朝歌》（右圖），密密吸金。微博圖片
【拍劇集】微博圖片
豬籠入水
對於被讀者踢爆放盤賣出一號．西九龍袋逾千萬，前日阿嬌透過經理人霍汶希（Mani）回覆：「阿嬌想換樓，佢想買一個地方自己住，睇中淺水灣嘅物業，鍾意嗰度環境，想買層大啲嘅樓。」據知，阿嬌最近以8位數字跟英皇續約，難怪可以越住越富貴，睇中淺水灣超級豪宅區。問到阿嬌是否以千萬續約？Mani承認：「公司覺得值，阿嬌諗住用續約費同賣樓筆錢換樓，佢呢幾年又拍劇又做綜藝節目，仲有Twins演唱會，都算豬籠入水。」
原來上月29日賣樓成交當天，阿嬌到寧波出席新季發佈活動吸金賺人仔，穿Ports 1961副線PortsPure藍黑直條的連身裙，價錢3,599元，賣樓加續約袋逾2千萬的她，衣着不算離地。
採訪：皓騫
阿嬌與內地富二代秦奮傳緋聞，被目睹陪對方打籃球。資料圖片
阿嬌的衣物服飾勁多，她曾買入2,000呎貨倉做衣帽間。互聯網圖片
|
鍾意就快D Share啦！
|
|
|