今次就等蘇永康（左）自己拆解喇！
歌手蘇永康（William）在社交網，大晒兒子展弘（Jazz）和契爺黃子華的溫馨片段，蘇永康接受東網訪問時，他說：「我同子華係人夾人緣，我同子華喺大陸一齊拍宋世傑（內地劇《棟篤狀王》）後一路好老友，我同佢老友關係唔同其他人一樣，子華係一個唔鍾意曝光嘅人，同佢約食飯，都會約啲人哋睇唔到嘅地方，佢係一個神秘人。」蘇永康又表示每年都會約子華食一、兩次飯，就算無暇食飯都會用WhatsApp聯絡，又讚子華是一個健談的人，相信跟子華讀哲學有關，加上自己又是愛說話的人，故和子華是可以無所不談。
蘇永康又指多年來沒有將跟子華的友好關係「擺上枱」，笑言：「我同子華最熟，冇咁熟嘅許志安都有同子華合作過，反而我就冇。」又話子華絕對是可深交的朋友，因為子華真的會關心朋友，跟朋友噓寒問暖，他又感激說：「我冇乜嘢多，幸運地朋友就最多，人緣好係我最大嘅大財產。」
來源 source: http://hk.on.cc
|
鍾意就快D Share啦！
|
|
|