唐詩詠仍然封口避談。
藝人唐詩詠、王浩信及高海寧等於將軍澳宣傳無綫劇集《不懂撒嬌的女人》。詩詠與男友洪永城盛傳感情生變，詩詠近日更言會等洪永城一齊作交代，問她今次是否有事宣布？詩詠依然封口避談：「唔好用宣布呢個詞。（好消息定壞消息？）首先想講不好意思，自己唔太識處理感情事，令大家有啲誤會。首先感情係兩個人嘅事，需要尊重雙方，需要時間處理，多謝大家畀空間。」詩詠直言不希望感情事與劇集宣傳扯上關係：「因為套劇宣傳緊，唔想變宣傳，自己之前說話令人誤會，之後會處理。」
問二人是否處於冷靜期？詩詠說：「Tony都好忙，佢拍緊嘢。（冷靜期？）唔好講呢啲字眼，以後再交代，畀啲時間我哋。（同洪永城保持聯絡？）大家都忙，盡量搵個時間。（到時一齊交代？）唔會講咩形式，唔想件事變誇張，希望尋求大家都舒服的方式，會盡力快啲完成事件。」追問詩詠到底係結婚或分手？她說：「唔講喇，我寧願一次過講。」問到事情是否令她感到困擾？她點頭承認，又稱會短期內盡快處理。
另外，提到周焯華手下盧啟邦日前遇襲，有傳詩詠被盧啟邦追求？詩詠繼續避談：「緋聞唔再多講，對方係圈外人，費事影響人，唔想回應。（妳應約食飯？）唔回應。（對方遇襲？）唔關我事，避免講太多，希望各人身體健康。」
來源 source: http://hk.on.cc
|
鍾意就快D Share啦！
|
|
|