掃呢頁CODE去手機

2017年5月23日 星期二

做馬明煮飯婆?黃心穎撒嬌: 有家庭先 __,馬明,黃心穎,心穎,馬國明,

使唔使咁深情先?緋聞男女馬國明與黃心穎齊齊於將軍澳電視城出席《bigbigchannel全球體驗發佈會》,正忙開工的馬明以《宮心計2深宮計》造型亮相, ...


使唔使咁深情先?

緋聞男女馬國明與黃心穎齊齊於將軍澳電視城出席《big big channel全球體驗發佈會》,正忙開工的馬明以《宮心計2深宮計》造型亮相,講到新app的賣點之一是粉絲可以與藝人玩合唱,問二人會否合唱吸觀眾?心穎笑言:「我唔介意,不過就驚馬明怕醜,我自己都鍾意唱歌嘅。」馬明表示知道心穎正學唱歌,之前做活動亦聽過對方歌聲,問私下有否聽過心穎唱歌?馬明表示:「冇呀!」

對新App有興趣

心穎表示對新app感興趣,問會否表演下廚?她說:「我都唔識,只係識煮早餐。(馬明有冇食過?)冇喎!(學煮幾味?)第時先啦,有家庭嗰陣先。」問馬明有何殺手鐧放到app上?他說:「未諗到呀,知道個app唔係得娛樂嘅嘢,我哋TVB藝人都好犀利,可以有好多技能,例如朱千雪可以解答下法律問題,有啲同事做生意都好叻,不過我自己就冇乜嘢可以分享,不過對球隊都有啲認識,可以同大家講下波經。」

拍劇日對夜對

二人在《宮》劇中有不少對手戲,問是否已拍完?心穎透露:「都多對手戲嘅,之後上大陸拍會再多啲,廠景就唔算好多。」問二人會否有時間睇戲?馬明表說:「你睇我一身打扮就知要開工(上大陸拍劇好熱,做好準備?)我好怕熱,都買定嘢。」心穎則說:「我都淘咗好多嘢,有電飯煲、雪櫃,到時可以係上面收貨!(又話唔識煮嘢食?)可以整all day breakfast!(有冇幫馬明買?)我都有問佢,但佢話唔使!」


來源 source: http://hk.on.cc
鍾意就快D Share啦!