掃呢頁CODE去手機

2017年6月8日 星期四

撻着內衣太子爺 沈卓盈俾新歡揸前度架二手車 [壹週刊 - 1422] __,內衣,沈卓盈,底衫褲,M1,

拍拖半年,沈卓盈同男友已經見晒家長。同你吟一吟撻着內衣太子爺 沈卓盈俾新歡揸前度架二手車已經33歲嘅沈大師沈卓盈戀情終於有着落,同屋企做內衣褲出口生意 ...


拍拖半年,沈卓盈同男友已經見晒家長。

同你吟一吟

撻着內衣太子爺 沈卓盈俾新歡揸前度架二手車

已經 33歲嘅沈大師沈卓盈戀情終於有着落,同屋企做內衣褲出口生意嘅 Calvin拍拖, 4月生日仲喺 IG放閃確定男友地位。

呢排唔使開工拍劇嘅沈卓盈,好多時間可以陪男友 Calvin,佢哋去淺水灣拍拖撐枱腳,食飽飽,兩人喺商場踱步, Calvin行行吓不時伸手攬吓女友纖腰,好明顯,仲係甜蜜期,之後 Calvin亦好體貼先行去攞車,叫女友喺商場樓下等佢,不過唔知係咪默契仲未夠呢,沈大師等極唔見男友,即刻打電話催原來 Calvin泊低車喺另一個位等佢,搞到沈大師要行成百米去搵番男友!

成日俾人話釣金龜,但嗰日內衣太子爺 Calvin竟然唔係揸乜嘢名貴靚車,而係揸住有指係沈大師前度 Ray所送嘅二手寶馬,其實沈大師都唔一定要坐靚車嘅,所以唔好再話佢淨係識釣金龜啦,唔係佢又嬲嬲豬

Calvin攬實女友喺商場 window shopping。

沈卓盈掛住睇電話,男友 Calvin先去攞車。

內衣太子爺 Calvin冇揸自己車,反而揸住沈卓盈前度所送的二手寶馬。

等咗一陣,都未見男友。

有指前度 Ray因打爆女友的 Mini玻璃窗,之後就送了一架二手寶馬賠罪。

撰文:八珍

攝影、攝錄:蕭敬漁、李玄、瀚鍾、森美、余一駱


鍾意就快D Share啦!