無綫靚女多籮籮，每年港姐競選更為「靚女兵團」增添大量生力軍，令女藝員之間競爭愈趨激烈！新一屆港姐競選將於下周啟動，上屆港姐馮盈盈、劉穎鏇等未卸任已加入《溏心風暴3》劇組，即使落選者亦有不少獲邀加入TVB，令一班師姐們不敢怠慢，有劇拍即紛紛豁出去，希望能突圍而出！
即使貴為港姐冠軍，拍劇都絕不錫身，早年陳茵媺於劇集《法證先鋒III》剝衫露黑Bra成為熱話，徐子珊在《點金勝手》中脫衣露肩誘胡定欣玩SheShe亦令劇迷嘩然！而擁34D驕人上圍的2011年港姐冠軍朱晨麗（朱朱）亦作出破格演出，於新劇《棟仁的時光》首度挑戰鋼管舞，夥拍同是選美入行的劉溫馨、周麗欣大晒誘人舞姿。劇情講述演鋼管舞天后的朱朱首次出場，由「學員」劉溫馨及周麗欣等打頭陣，眾女腳踏五吋高跟鞋配熱褲晒玉腿勁養眼。而穿喱士Top露腰的朱朱現身時，貼身舞衣令其34D美好身段盡現，她在鋼管連轉八圈，翹Pat、踢腿、俯身等舞步性感誘人，場面惹火！雖然朱朱在劇中要被二十多位男士圍觀獨舞，但她表現淡定，而因劇情需要混在其中的袁偉豪，事後都讚朱朱演得出色！
畀仔圍嗌尷尬
為配合角色，朱朱在造型、舞功上花了不少工夫，除了駁髮添女人味外，事前還接受了個多月特訓，因練舞而擦損、瘀青周身傷。她受訪時直言舞衣造型是鮮有性感，自小習舞的她更指鋼管舞勁難，但準備多時亦滿意表現：「跳舞係用腳，但Pole Dance要全身都有力，見到排舞老師練到身形好靚，膊頭位係有肌肉嘅，咁樣會更好睇。」接受密集訓練的朱朱因而清減不少，但D Cup咪咪依然，她表示除了練舞，更要舉重、戰繩訓練等，但認為體重仍有改善空間，同時又想練手臂肌肉令身形更勻稱，認真矛盾。講到舞姿電力十足，她說：「畀一班男士圍觀係勁尷尬，佢哋仲要係咁影相，希望觀眾鍾意，可以抱欣賞角度睇鋼管舞。」
朱朱為劇集演出搏到盡，似乎不擔心競爭，提到今年港姐即將啟動，將有一班師妹加入TVB時她說：「唔擔心，唔同人公司都會畀唔同嘅機會，多啲新面孔畀觀眾睇係好事嚟。我都係由新人做起，只要裝備好自己，機會一定唔會錯過！」
|
鍾意就快D Share啦！
|
|
|
