既有武功底加上 keep住做運動，張繼聰拍武打場面，動作清脆利落。
探熱針
cut武師慳替身 張繼聰被臨記誤傷
Encore再做爸爸的張繼聰，託 B女的洪福，電視、電影輪住拍，忙到連寶貝女的滿月，都無時間慶祝，目前他為台慶劇《誇世代》埋尾，導演睇準他師承詠春的葉準，拳腳見得人，決定度身訂造一場動作戲，要他好似甄子丹般一個打十個，劇組更沒有安排替身，要張繼聰親自上陣，但係遇啱十個對手不是武師個個有功夫底，加上拳腳無眼，張繼聰慘被誤傷，中伏！撰文、攝影、攝錄：娛樂組 設計：何嘉慧
一個打十個
張繼聰同歐陽震華加埋大批臨時演員等近六十人，齊集觀塘一幢工業大廈的後巷，準備拍攝一對十的打鬥場面，武術指導將招數、走位逐一跟張繼聰說明，然後安排十名對手列陣跟他試位，彩排一個小時，才正式埋位拍攝。
「呢啲咁大型嘅打鬥場口，劇組通常都會安排定替身，點知導演拍心口話阿聰有料到，佢會親自上陣，連替身錢都可以慳埋，咁樣即係搵着我哋嚟搞，分分鐘開多組（拍多日）都拍唔晒，但係都冇辦法，咪搏一搏囉！」一名工作人員透露。
中招死忍
的確有詠春加運動底子的張繼聰，不負眾望，三個多小時便拍完一個打十個的打鬥場面，相信最開心除了張繼聰，應是全晚陪企交表情的歐陽震華，但事後有工作人員指張繼聰全晚多次被臨時演員擊中誤傷，但歸心似箭為求盡快見囡囡才死忍唔出聲。
「喺現場久不久就聽到有武器打中身體嘅聲，但係張繼聰一直話冇嘢，一係就話自己無事，全部硬食。以前呢啲場口，一定係龍虎武師自己上，但係十個都搵晒龍虎武師，條數好襟計，惟有混啲臨時演員入去，導演收貨公司又唔會詐型，但係就戥啲演員慘囉！」一名幕後工作人員說。
撰文、攝影、攝錄：娛樂組
來源 source: http://hk.next.nextmedia.com
|
鍾意就快D Share啦！
|
|
|
