柏豪話票房過千萬阿Sa就會請食飯。
歌手周柏豪接受電台訪問，提到與蔡卓妍（阿Sa）一起主演的電影《原諒他77次》票房理想，他坦言很開心：「希望過1千萬阿Sa就請食飯，我就請睇戲。（繼續謝票？）會呀，都幾好玩，開頭覺得謝票好攰，依家幾鍾意，見到觀眾反應，自己又可以入吓唔同戲院。」
坐唔定鍾意挑戰自己
至於最近要錄廣播劇，柏豪自言幾年沒錄過，感到有些緊張：「特登早啲起身開聲，等自己口齒伶俐啲。」他表示在劇中飾演男朋友，與兩名素人合作，又透露這是在華納的最後一個工作：「入行10年，同公司嘅合約就快完成，展望下一個10年會點，遲啲會公布新動態。我會繼續唱歌出碟，拍電影同電視劇。（唔捨得？）一定會，但我坐唔定，好鍾意挑戰自己。」
局外人唔講太多
談及師妹連詩雅遭華納入稟控告，柏豪覺得身為局外人不應說太多：「我知道箇中發生咩事，希望快啲解決。（有聯絡佢？）成日都見到，又唔會影響佢太大嘅。（有冇唔開心？）發生咁嘅事冇人會開心，但佢好堅強，亦好值得人錫，我都好錫佢，大家都會支持佢。」
來源 source: http://hk.on.cc
|
鍾意就快D Share啦！
|
|
|
