低潮期一齊堅持夢想，梗係要多謝
樂隊ToNick到九展Music Zone舉行音樂會，主音恆仔的父母和女友譚杏藍（小花）亦有到場，小花更在場邊擔任攝影師。ToNick唱出《發你個夢》及《趕客》等歌曲，恆仔坦言早前忙於拍戲，已很久沒開騷，又感觸說：「諗都冇諗過可以夾咁耐Band，可以捱過每一關，開騷可以見到咁多人，希望大家都做多啲諗都冇諗過嘅事。」唱《Go 4OR It》時，恆仔跳向觀眾大玩插水，全場氣氛高漲！Encore時，ToNick向台前幕後致謝，恆仔更特別多謝父母及女友：「有個人冇多謝會死，我哋兩個人喺低潮嘅時候相識，佢話佢想唱歌，我話我都想，我哋互相鼓勵對方，條路未完嘅，好希望可以一路同佢行落去。」
騷後受訪時，ToNick表示開一場很不夠喉，覺得時間過得很快，成員Ryan說：「真係好好玩，好開心同觀眾好多交流，好多位一齊玩。」恆仔指音樂上儲了很多想法，想爆發出來：「一定要有個機會，玩一個更長嘅騷。下次就未講得住，但已經有計劃，希望年尾可以嚟一次大gathering。」提到大家很喜歡電影《救殭清道夫》的主題曲《長相廝守》，恆仔坦言因此翻唱了幾首電影歌曲，成員晨曦謂：「揀嗰時冇爭拗，因為都係我哋唱K會唱嘅Song List，但真係要揀，因為我哋好多快歌、慢歌都好鍾意Cover，揀真係困難，首首都咁好聽，就即管揀一首自己Handle到嘅，我講我獨唱嗰首。」
至於獲小花撐足全場，恆仔直言很開心和衷心感謝對方：「好耐之前有個承諾，大家喺音樂上要做啲成績出嚟，希望快啲見到佢都可以喺音樂路上有突破。（喺台上發表愛的宣言？）係愛嘅，但宣言我覺得可以再肉麻啲，諗吓點樣講先。（唔記得多謝佢真係會死？）半死啦，死唔晒，點都留番半條人命喺度。」
來源 source: http://hk.on.cc
|
鍾意就快D Share啦！
|
|
|