其實諗深一層，陳展鵬都好慘。同胡定欣拍《城寨英雄》傳撻著，到拍《同盟》更加話佢兩個係奉旨談情，點知套劇都未上，陳展鵬身邊的她，已經變成單文柔。當中發生咗咩事呢？定欣之前回應話同陳展鵬只係新聞，一直都只係同事喎；陳展鵬亦都話：「點解呀？我哋係好拍檔、好朋友，乜嘢事都冇發生過！」但噚日宣傳活動上又真係……短短半年唔夠，兩女一男已有戲劇性發展，一陣傳單文柔大肚，一陣傳兩人同居。早前陳展鵬同單文柔同場大方合照，問佢係咪公開戀情？展鵬堅稱「了解中」；係咪拍拖？佢就話要留空間俾大家諗。噚日陳展鵬再被問及驚唔驚女友單文柔呷醋？佢一度黑面謂：「我做演員，女朋友呢啲問題唔關事。」今日明明同劇中阿媽鮑姐去新城谷劇，最後都冇出現。為咗唔想令人覺得借緋聞谷劇，亦唔想令單文柔唔開心，如果你係陳展鵬，會點做？咁陳展鵬同單文柔係咪拍拖？鮑姐今日話：「我都有關心過佢，問佢係咪拍拖？佢話『係呀，阿媽。』」佢又透露劇中佢、胡定欣、陳展鵬、姚子羚同陳山聰五個最好朋友，連聖誕都約埋一齊過。唔……明晒
來源 source: http://s.nextmedia.com
|
鍾意就快D Share啦！
|
|
|
