港鐵荃灣綫下午發生供電設備故障，其後列車服務陸續回復正常，惟晚上6時許金鐘站出現人潮，兩名男乘客疑因上落車碰撞問題，大打出手。《蘋果》獲讀者提供片段，事發時一名中年男子與另一名青年在金鐘站往荃灣綫月台打交，互相箍頸扭打，在青年旁邊的女友人亦出手制止，並大呼：「夠喇，兩個大男人打乜嘢呀！」青年頭部受傷，面部有傷痕。其後涉嫌有份打鬥的中年男子登上列車欲離開，一名原本站在月台的男乘客見義勇為，出手擋著車門，並將男子由列車上扯回月台，阻止他離開。港鐵一名女職員連忙分開兩人，大叫：「分開先呀，而家多人，(你哋)唔好走。」結果3人同被職員帶走交警方處理。警員調查後以涉嫌在公眾地方打架，拘捕兩名男子。事發時正值放工繁忙時間，港鐵又發生故障，據提供片段的目擊者鄺先生表示，當時放工時間，在金鐘站月台乘搭荃灣綫，期間月台擠得水洩不通，他突然聽到前面有人大叫：「唔好打交啦」，即目睹打交的過程，於是以手機拍下過程。鄺指打架的中年男子及青年，疑因上落車碰接爭執，其間青年頸部紅腫受傷。他形容：「天氣熱，放工人多，等車又耐，乘客都躁啦」，又指當時見到有人打交：「自己都有少少驚，怕佢哋打打下打埋嚟，自己都唔敢行咁近！」你敢爆，我敢獎！ 即Call《蘋果》24小時爆相爆片熱線：63836568
| 兩男在金鐘站月台互片，正義男(右)扯住躁男唔畀走。(讀者鄺先生提供) | | |
來源 source: http://s.nextmedia.com
|
鍾意就快D Share啦！
|
|
|
