掃呢頁CODE去手機

2017年7月28日 星期五

一粒鐘一千下掌上壓 余文樂練肌操到嘔 __,余文樂,

搵命博。余文樂在英皇電影《悟空傳》飾演二郎神,已有7、8年沒拍古裝的他挑戰極限,為了演好片中僅出現15秒的爆肌一幕,在開拍前暫停所有工作,花了11個月 ...


搵命博。

余文樂在英皇電影《悟空傳》飾演二郎神,已有7、8年沒拍古裝的他挑戰極限,為了演好片中僅出現15秒的爆肌一幕,在開拍前暫停所有工作,花了11個月操肌!樂仔笑言當初沒想過此舉是否值得,認為既然是劇情需要,就接受挑戰:「二郎神係天界最好打,可以同彭于晏演嘅孫悟空匹敵,角色身形高大,所以我要有呢個身形同氣勢說服觀眾!」

拉傷背都冇得抖

雖然阿樂有運動底,但操練肌肉的方法卻有很大分別:「我有營養師同Trainer全程跟住,正常係要一年半時間先練到,我有做開運動先縮減咗時間。其實開始咗兩個月已經想停,第一堂嘔咗5次,個量太強,用健美結合外國操法,食嘢又要好小心,當時連朋友都少接觸,冇得出去食飯,試過逼自己夜晚唔瞓,第二日一上磅教練就知,結果要做番1,000下掌上壓,做咗一個鐘!我又試過拉傷背,個心不知幾開心,點知教練話操其他嘢。」他表示一般人體內有20%以上脂肪,他卻只得4%!

「放監」吔麵飲汽水

問到完成拍攝後如何慶祝?阿樂表示煞科日適逢他生日,所以狂食慶生:「食咗四個麵,兩、三罐可樂,一件大蛋糕,開心到流眼淚,乜禮物我都唔要!導演郭子健叫我下次增重70、80磅,但增完都要再減番,我問過教練,佢話傷身,所以要諗諗先。」

場地:如心艾朗酒店

髮型:Ben Yeung

化妝:Jenny Tziong


來源 source: http://hk.on.cc
鍾意就快D Share啦!