掃呢頁CODE去手機

2017年7月20日 星期四

【收埋情人多年】傳53歲譚玉瑛已婚廿年 老公做醫務化驗師? __,譚玉瑛,

53歲譚玉瑛由兒童節目主持做到o依家變埋飲食節目主持,陪伴唔少年青人成長,奇就奇在外表唔差嘅譚玉瑛姐姐多年嚟都係冇咩緋聞,形象相當健康!今日有周刊爆佢 ...


53歲譚玉瑛由兒童節目主持做到o依家變埋飲食節目主持,陪伴唔少年青人成長,奇就奇在外表唔差嘅譚玉瑛姐姐多年嚟都係冇咩緋聞,形象相當健康!今日有周刊爆佢有個初戀男友周震聲(Stephen),二人拍拖37年,之前譚玉瑛姐姐講過唔結婚、唔生小朋友,佢哋喺愉景灣同居,男友Stephen仲係做醫務化驗師,報道又指原來佢哋廿年前已結婚,婚事只係家人先知道,而且Stephen更係譚玉瑛姐姐讀中三嗰陣嘅一位數學代課老師,當時讀完中學,譚玉瑛姐姐就搵Stephen補習,二人拍拖,疑發展「師生戀」,男友叫譚玉瑛姐姐做「卿卿」,由於Stephen返工要輪班,所以唔係成日有時間陪伴,又知男友唔鍾意出鏡先一直冇公開。據報道指,二人近排曾一度冷戰,周刊都問過譚玉瑛姐姐,佢就認o依家關係冇乜唔妥,似乎已經好番,佢亦都未有否認已婚!《蘋果》問過譚玉瑛,佢透過Whatsapp回應:「無論說甚麼都由它吧!」


來源 source: http://s.nextmedia.com
鍾意就快D Share啦!