韓國男神宋仲基同韓國女神宋慧喬前日認戀兼宣佈婚訊，婚期定於10月31號，唔少人都好奇點解二人會忽然認戀兼宣佈結婚。根據今日韓國傳媒報道，話說喺7月4號有記者就採訪喬妹方面嘅事務所，當中記者就因為收到風話喬妹曾經喺宋仲基嘅家鄉大田過夜，所以就事件採訪喬妹事務所嘅代表，不過當時喬妹方面就否認其事，該名記者就唔死心，於是去搵宋仲基嘅父親，想了解喬妹同宋仲基嘅關係，並約咗該名記者於6號見面，不過期間宋仲基父親就一直以好忙推塘，又唔聽記者電話。過咗無耐宋父透過短訊向記者表示「嗰段新聞(喬妹曾於宋仲基家鄉過夜)唔可以出街」，故該記者有理由相信雙宋的確拍緊拖。宋父又指會知會雙宋方面，並會回覆該名記者，不過4號晚該記者冇收到任何電話，就再次向宋父發短訊，表示如果取材屬實就會公開，又講事件可能會對雙宋形象受到影響。點知雙宋方面可能覺得應該由二人公開較好，最終於5日早上就發表「聯合聲明」認戀兼宣佈結婚。事後該名記者亦有聯絡宋父，並向宋父講雖然事件對佢來講係好可惜，但認為宋父嘅選擇好好。
來源 source: http://s.nextmedia.com
|
鍾意就快D Share啦！
|
|
|