梁烈唯尋日喺電視城環保大道撞車，整傷頸同腰，要送院檢查！
藝人梁烈唯昨日在電視城環保大道發生交通意外，他的頸及腰都有少許拉傷，醫護人員接報到場救援。唯唯被送到醫院檢查，經不同測試和照X光後已沒有大礙，即日出院返家休息。唯唯亦向東網報平安，表示多謝大家關心，因有上載自己受傷和坐駕被撞照片於社交網上，朋友被嚇親的話他覺得不好意思，他更指其車尾要大修，撞他的後車的車頭亦嚴重損毀，幸雙方沒有受傷。
冇大礙返家休養
唯唯覆述過程稱：「尋日（揸車）收工時，前車突然急煞，我收停架車，後車卻收掣不及，不幸撞埋我車尾，撞力都大，自己都有拉傷啲頸，小小『Chok』親條腰，情況唔算嚴重，發生呢啲事都會有呢啲反應。當救護員到場，佢哋唔知咩情況下，為安全起見，一定落保護頸、腰嘅裝置，之後我被送到醫院做唔同嘅測試，照X光後冇大礙，我已即日出院返家休息，依家休養中。」
愛犬身體出事
唯唯稱發生今次意外，大家都唔想，但太突然了，對方和自己都冇事可算非常好彩，很感恩，問到可有影響工作？他稱：「拍緊《飛虎極戰》，佢哋知我發生小意外都好緊張，呢幾日都冇安排我開工，但都有其他嘢要做，我喺家休息兩日，都會如常工作，大家不用擔心！」其實唯唯稱有其他嘢要做，相信是要照顧家中愛犬KOKO，因KOKO身體有問題要急診，要進行深切治療留醫和留氧氣箱，唯唯嘆謂一天內經歷甚多。
來源 source: http://hk.on.cc
|
鍾意就快D Share啦！
|
|
|