「中國人是要管的」、「有時我真的想見到有國家發生災難」、「應該規定甚麼可以遊行，甚麼不能遊行」……講起呢啲金句，一定諗起成龍，成龍除咗語出驚人之外，佢拍戲都幾搏嘅，就算年過六十，對影圈仍然有心有力，今日佢喺北京宣傳佢套新片《英倫對決》，出席發佈會，成龍透露自己拍完《天將雄師》後出現肌肉腐爛嘅狀況。喺現場圍訪環節，有人問成龍喺拍《英》期間有做手術一事，成龍就話：「我不知道我的肌肉腐爛情況這麼嚴重，打的。」原來成龍於《功夫瑜伽》拍攝期間，已經受肌肉腐爛困擾，拍《英》嗰陣，問題更甚，成龍要喺英國做5粒鐘手術，第二日個肚綁住繃帶就繼續開工指《英》，堅稱「從不用替身」，一個禮拜後仲繼續拍打戲，「醫生不讓，但還是打(拍打戲)了」。成龍又話佢部新片《英》絕大部分係實景拍攝，導演解釋攝影棚造唔到倫敦同泰晤士河，為咗喺倫敦街頭拍炸巴士一幕，佢哋申請咗四個月，仲為街坊寫信說明同請住酒店，結果拍攝嗰陣，啲街坊拎住酒店錢喺現場湊熱鬧，成龍被嚇到大叫：「不要看了！」而拍攝許可申請只有4個鐘時間，要提前兩個星期考察，只能一take過。
來源 source: http://s.nextmedia.com
|
鍾意就快D Share啦！
|
|
|