小心啲好！
影星任達華與劉嘉玲今晚於灣仔拍攝英皇賀歲片《我的情敵女婿》，劇情交代二人相隔多年於雲吞麵檔重遇，而事實上今次是他們相隔25年再次合作。細心的嘉玲拿紙巾為華仔印汗，雖然天氣炎熱，嘉玲仍穿上黑色皮褸配以型格打扮，而戲內「重逢」後華仔將周旋於嘉玲與養女衛詩雅中間。而老闆楊受成亦到場為演員們打氣。
華仔與嘉玲孖住受訪，嘉玲笑謂：「（上次合作）好似昨日嘅事啫，最緊要係我哋愈嚟愈靚。（同華仔有親熱戲份？）佢同我個女（衛詩雅）多啲，我真係生得佢出！」二人笑言戀愛無年齡界限，嘉玲續謂：「法國總統都係咁，呢啲事（忘年戀）依家係會發生，重點係兩母女、阿媽嘅我依然咁索。（有冇大年紀嘅男士追過你？）梗有，依家都有年輕人欣賞我。（偉仔知唔知？）有啲嘢唔講得，要畀啲危機感佢，但如果有後生女鍾意佢，我都戥佢開心，恭喜佢，佢咁嘅年紀喎。」她強調與老公互相信任，又指平日自己很享受一個人的浪漫。
當記者追問華仔有否試過被年輕女生示愛時，他忽然「硬晒軚」兼目不斜視，不停標汗地答：「得我個女。」嘉玲伺機戲弄他，邊為他抹汗邊說：「講真話！」惟華仔堅稱：「得我個女，我手傷佢幫我切牛扒，老婆餵我飲湯，好浪漫。早幾日我發現隔籬個男人睥我，佢妒忌我同嘉玲合作。」
來源 source: http://hk.on.cc
|
鍾意就快D Share啦！
|
|
|