城中名媛雖然衣食無憂，但並非個個只懂扮靚去Ball，不少人懷有一顆善心，出錢出力幫助弱勢社群，包括賭王三房女兒何超蓮幫手搬屋、「千億新抱」徐子淇教英語、李嘉欣「轉贈」生日禮物及翁嘉穗送食物給劏房住戶！
26歲的超蓮眼見近年港人開心指數下降，與幾位志同道合的朋友成立慈善團體Smile With Us HK，希望為港人帶來歡笑，不時在街頭派糖、派扇，又以不同義工服務將理念發揚光大。日前在35度高溫下，穿白色tee與超短褲的超蓮被發現到土瓜灣，與幾名同伴合力將多個紙皮箱及木櫃搬運到一座大廈內，眾人來來回回幾轉已經身水身汗。貴為賭王千金的超蓮放下身段，獨自推載有三大箱雜物的手推車，來來回回搬運雜物及木櫃落樓，毫不錫身。其實超蓮早前在Instagram上載一段鋪地板的片段，見她專心跟裝修師傅學習，鋪得有板有眼。
幫單親媽媽搬屋
超蓮接受電話訪問時承認，當日與多名義工幫一位單親媽媽搬屋，由100呎劏房搬去300呎公屋：「因為天氣又曬又熱，好多雜物又重又要落樓梯，都幾辛苦，但係幫到人都好開心。希望呢位單親媽媽會愈來愈好，會有大啲嘅地方，同三個小朋友住得開心啲。」其實之前他們已為對方安裝冷氣、煤氣爐、雪櫃及床，她直言這次做義工感覺非常深刻：「佢啲鄰居好幫手，仲一齊去公屋幫手打點，執頭執尾，原本要返工都話要幫佢，呢啲人情味係好感動。看更仲話幫手睇住啲嘢，叫我哋快啲搬，咁熱，嗰刻感受獅子山下精神。」超蓮坦言身為名人難免成為話題，但希望大家能將焦點放在慈善方面。
超蓮表示現是Smile With US是由她與十幾名朋友合作搞的，目前是由她們出錢運作，而她的朋友好似鄧紫棋、房祖名、薛凱琪、JW都頂力支持。至於幫助的受助人士，她透露均由婦女組織推薦給她們，但她們會親身接觸了解再核淮，就好似今次幫助的單親家庭，就前後見面三次。她解釋因為好多慈善機構都有不同的推薦，雖然現時她們出錢營運，但都希望日後可擴大行善規模，想到日後假如籌募公眾善款使用，希望大眾知道是她們做法是負責任的，會善用公眾的一分一毫。
徐子淇身體力行
而徐子淇一直支持多個慈善機構，包括智行基金會、夏橋計劃、救助兒童會等，今年她帶了三名子女前往香港夏橋探訪基層學生，與他們唱歌、玩遊戲，主要想子女親身體驗，之前更經常為該機構教導青少年英語。另外，子淇去年以救助兒童會贊助人身份，探訪受地震影響的尼泊爾災區，當時她與父母及二女同行，並捐出1,600萬作慈善經費。二女回港後，向她表示感受深刻。
|
鍾意就快D Share啦！
|
|
|