陳曉東接受訪問大談整容傳聞，仲有機會同昔日拍擋陳建穎及邱穎欣聚首！
藝人陳曉東為奇妙電視節目《天下第一friend》擔任嘉賓，即場被主持人鄭紹康親手摸臉驗證有否整容！近年常被指整容的他，沒好氣地說：「好多人以為我塑膠做㗎添，其實我只係食咗少少防腐劑！」
懶理整容傳聞
東東對整容傳聞一直未有正面回應，他自言因工作太忙無暇理會，並謂：「整完容唔使時間消腫咩，都入行廿年啦，依家先嚟搞呢啲？你估我病得好深咩！」至於東東經常被指撞樣，近年就被指似黎諾懿和電台DJ余迪偉，東東沒所謂地說：「是但啦，我個樣似太多人喇！」
畀老竇問係咪等錢使
近年在內地發展得相當好的他，其實也試過低潮期，他坦白說：「有部戲，喺上海邊皮城市上咗3日就落畫，返到屋企，阿爸問我係咪好等錢使，佢講咗一句話令我記到依家，我聽完回咗一句：『你唔畀我中到個Jackpot，攞番10倍、百倍回報呀』！」
吞wasabi拍喊戲
其實當時東東明白父親用的是激將法，希望他早日成大器，只是作為演員，工作上難免被動。東東因為父親的明訓，也有提醒自己「世上冇唔好嘅角色，只有唔好嘅演員」！他續謂：「以前我拍喊戲，喊唔出，要吞wasabi令自己喊，依家大個咗，歷練多咗，經驗豐富咗，稍為可以揮洒自如！」
陳建穎邱穎欣驚喜現身
主持人為報答東東忙裏偷閒接受專訪，特別安排昔日一同合唱成名曲《打開天空》的拍檔陳建穎（Ray）（現名陳紀匡）和邱穎欣（Joyce）（現名邱子茵）驚喜現身，舊友聚首，三人竟感觸得淚盈於睫，東東開心地說：「真係好多回憶返晒嚟！如果有埋Kelly（陳慧琳）咁就齊腳」最後三人合唱《打開天空》，非常開心！
來源 source: http://hk.on.cc
|
鍾意就快D Share啦！
|
|
|