沈卓盈以透視裙示人。
藝人沈卓盈於尖沙咀出席名錶展，擁有C Cup上圍的她以透視裙示人，透出纖腰和長腿，大晒三吋事業線，相當吸睛，果真大「C」級！她謂是為了配合名錶造型而設，雖然性感但安全措施做到足，配戴16萬8千名錶示人的她，謂會積極儲錢買靚錶！
肥到有雙下巴
沈卓盈忙於拍攝無綫新劇《特技人》，她笑謂之前拍攝劇集《平安谷．逐個捉》時肥到有雙下巴：「嗰陣唔敢上磅呀，食多咗，因為其他演員會帶零食開工。」現拍時裝劇就要積極減肥，早前她曾透露拍拉扯戲而受傷，她說：「依家另一邊都傷埋，可能唔夠瞓所以拉親。（咁易整親點做打女？）如果監製睇得起我，我都OK。（男友肉赤？）為工作我不嬲都唔錫身嘅！」
螢幕初吻獻譚俊彥
沈卓盈在劇中與譚俊彥有感情線，她透露開工首日已奪其在無綫的螢幕初吻，被問有否覺得對不起譚俊彥的太太？她謂：「錫嗰陣佢太太未生嘅，不過佢仲緊張過我。」又謂會準備禮物給譚俊彥剛出世的仔仔。
來源 source: http://hk.on.cc
|
鍾意就快D Share啦！
|
|
|