原來發生過咁嘅事。
一連兩場「汪明荃50週年TIMELESS CONCERT 2017 」舉行最後一場， 當趙增熹台上為汪明荃（Liza）鋼琴伴奏，Liza演唱《愛你一生一世》後，她稱是當年和劉松仁演出的電視劇《京華春夢》內，兩人結婚時她對住松哥唱，到結局松哥死時又對他唱，她謂：「松哥今晚坐邊？」劉松仁即起身揮手，因這晚好拍檔鄭少秋（秋官）都有在場，Liza謂：「唔知秋官會唔會呷醋呢？」
之後嘉賓李克勤出場，克勤即向Liza說：「阿姐！生日快樂。」因克勤將繼Liza後在紅館開演唱會，克勤笑說：「仲以為係接捧儀式。阿姐曾經係我真正左鄰右里，做佢鄰居好處係會有雞翼，過時過節有糕點試過打畀我，話我唔喺屋企唔緊要，只係想過嚟我屋企睇溫布頓賽事。」克勤說最感激是十年前大仔未出世，太太盧淑儀就快生得時，他說：「仲有三日就生得，我嗰時仲係TVB契仔，要入TVB拍嘢做騷，所以就叫阿姐睇住我老婆。」阿姐坦言：「我嗰時都好緊張，都驚佢隨時作動㗎！有問佢執好啲乜乜袋未？」克勤笑言：「上路袋...」他又謂：「當時我得兩個人揀，一個阿姐，一個係家英哥，你哋會揀邊個吖？」
來源 source: http://hk.on.cc
|
鍾意就快D Share啦！
|
|
|