講到咁，態度真係好堅定！
藝人劉佩玥（Moon）一向緋聞多多，最近就有傳她向翟威廉（William）埋手，趁住與William一齊為無綫big big channel開Live，收對方做「兵」！最誇張是有指兩人合作拍攝新劇《跳躍生命線》時亦公然「打情罵俏」，不但一包飲品兩份啜交換口水，拍攝完畢更隨男方返屋企。 自認男仔頭share飲品冇特別 對此，Moon即指自己貪方便兼天氣熱之故才飲William口水尾：「一日要跑三五七個Location，飲啖嘢又要繼續努力拍攝。我男仔頭，樣樣嘢都冇乜所謂，最驚係工作時麻煩其他人。Roll機前總唔能夠時時麻煩其他工作人員幫我拎飲品，所以Share咗佢咪搞掂囉！哈哈，其實冇咩特別。（你哋喺劇好多身體接觸？好多冇底線嘅激烈場面？）我有劇本喺手，但搵極都搵唔到有人哋講嘅更激場面。」 斬釘截鐵否認過夜 提到她被指隨William返家，她即斬釘截鐵否認：「有啲離譜，我哋夾歌同打機，同觀眾開心交流，通常夜晚10點到12點開Live後，一班人食嘢吹水檢討番個Live，有時可能傾晏咗，但我絕對冇過夜。失實嘅言論唔會影響我心情，但希望唔好影響到我身邊嘅人，尤其係我嘅家人。」
來源 source: http://hk.on.cc
|
鍾意就快D Share啦！
|
|
|