克勤喺今日十號波下照開工，架車去到中環時仲遇上驚險事！
即將假紅館舉行演唱會的李克勤果然人如其名，非常勤力，在十號風球下，依然工作。今早他於社交網站Instagram寫道：「今朝老婆和大小老闆（指兩個仔）問我是否一定要10號風球開工…」克勤話其實佢都想休息，但係冇辦法，因為綵排時間密密麻麻，下午排舞，晚上排歌，跟住第日又要飛商演，只可以喺十號風球下錄新歌《龍鬚糖》。
十號風球出去錄歌，克勤話都遇上驚險事，他說：「架車去到中環，唔知邊度有個窗飛咗落街，好彩冇中我哋架車，一地玻璃碎，架車都吹到左搖右擺咁。」
早前克勤和黃偉文及老婆盧淑儀就一齊往東京為演唱會置裝，全程都由黃偉文做「話事人」，自己只是負責試身。他說：「第一次有呢啲經驗，都幾好玩，覺得幾輕鬆自在，尤其試身個嗰陣有日籍服務員話『nice body』時，就更加感到有啲輕飄飄嘅感覺。」
問克勤可覺得自己成功操fit出「nice body」，克勤就話：「自問都幾nice㗎，不過黃偉文話鎖骨以下都唔會露，咁操個nice body都唔係為露嘅，為自己體力好啲，身體健康，可以做好個演唱會。」
今次演唱會，克勤還會推出限量郵票、T-Shirt及環保袋等演唱會紀念品，T-Shirt不只有大人Size，還有小童碼可以變親子裝，克勤話：「係呀，次次開演唱會，件衫『大細老闆』都想有件一樣，今次公司做咗親子裝，咁我有佢哋又一齊着，我估佢哋會好開心。」
來源 source: http://hk.on.cc
|
鍾意就快D Share啦！
|
|
|
