小巨肺譚芷昀（Celine）一家人昨日早上現身機場出發到美國，出戰下周舉行的《全美一叮》半準決賽。當Celine與父親譚順生、媽媽及胞妹入閘之際，機場職員對講機突然大大聲響起一段對話，一男聲問閘口女職員是誰人入閘，女職員回應說：「全美一叮。」之後該男聲就大聲問：「係咪借個女上位嗰個？」譚順生即匆匆低頭入閘，未知是否聽到這尷尬一幕。今日有讀者章先生聲稱是事件受害人，報料稱負責機場保安有限公司AVSECO因接獲HMV數碼中國集團職員(即Celine父女所屬經理人公司)投訴，故解僱他，章先生並提供解僱信副本，信中內容如下：「因接獲HMV數碼中國集團職員投訴，經過調查後證實其於2017年8月14日約1045時，在機場一號客運大樓7樓南面S9崗位當值時，在公司通話器說出令人感覺不安的說話。經過調查後證實你違反了公司的內部行政手冊第十七章行為與紀律2.1(c)段：對良好秩序及紀律有損的行為及2.1(m)段：做出有損公司聲譽的任何行為。今次事件是屬於嚴重紀律違規事項，經公司細心考慮過後，認為你不再適合擔任保安督導一職，現特函通知你公司以一個月薪金作為代通知金與你終止僱傭合約，生效日期為2017年8月16日。」章先生稱他是被解僱的當事人，在AVSECO任職八個月，任職保安督導。他表示事發後已經向HMV數碼中國集團道歉，又稱該公關公司只要求「俾個解釋」，而且「態度唔強硬，但冇要求解僱」。章先生稱：「但我今日返到公司，佢哋(機場保安有限公司)已經整定張終止合約通知書叫我簽，冇俾其他選擇我。」章先生接受《蘋果》訪問，他以短訊回覆稱：「噚日件事發生咗，我已經當面同間公關公司嘅職員道咗歉，上級都在場睇住。「到今朝都冇俾機會我解釋，就去咗公司間總部見投訴科嘅人，然後直接俾份終止合約通知書俾我簽，理由係1.對良好秩序及紀律有損的行為2.做出有損公司聲譽的任何行為，話我喺公司通話器說出令人感覺不安的說話。」章先生續稱：「譚生入咗去閘，佢公司啲人就即刻搵我上司了解，然後我就俾人叫咗過去道歉。」問當時譚所屬公司是否要求追究？章稱；「以我所知係冇，淨係話要求解釋。事後有同事幫我出聲，但係啲上級都唔理，想蓋過呢件事。我知自己有錯，但我覺得唔至於要即時解僱，完全唔俾我解釋。」蕭定一則回覆稱：「呢啲係人哋保安公司內務，我哋唔方便回應。」Celine父女暫未聯絡上，AVSECO亦暫未回覆。
|
鍾意就快D Share啦！
|
|
|
