仲生？？？？？
藝人陳豪（阿Mo）到尖沙咀出席新劇《誇世代》煞科晚宴，講到老婆陳茵媺忙拍電影，接力湊仔的阿Mo是否因此姍姍來遲？他笑說：「因為隔籬屋裝修，會嚇親小朋友，少少聲就嘈醒，所以接咗佢哋去嫲嫲度。（接力做湊仔公？）做湊仔公冇問題！啱啱第一日囉，之前太耐冇見，都好掛住佢哋呀。（有冇嘈住要媽咪？）都OK嘅，始終Daddy比較Easy，媽咪就會Set the rule。」
陳茵媺操埋一份
講到阿Mo練得一身爆肌，比當年拍《天與地》時更弗，但忙做湊仔公會否好難維持？他笑說：「都會，始終小朋友一擘大眼就要照顧佢哋，但佢哋一休息咪舉吓鐵囉，健美我係一直有興趣嘅，可以係身體上有一個發展。（太太有冇捽你Body？）冇捽呀！（支持你繼續健身？）佢絕對支持！好開心感染埋佢，我自己就做一個Example囉，佢都努力緊，已經瘦咗個幾碼！」
講到阿Mo弗到爆，似乎有心有力再追一個！他聞言笑說：「我唔Say No嘅！好多朋友都咁講，就算Yes都要遲啲，始終有健康體魄就有健康嘅BB！（製造吓意外？）我哋都鍾意BB嘅，但要攤長啲先，唔好咁密！（上次茵媺拍一部又有咗！）今次拍多幾部先（放假到年尾？）一路都有安排工作嘅。」
來源 source: http://hk.on.cc
|
鍾意就快D Share啦！
|
|
|