掃呢頁CODE去手機

2017年9月14日 星期四

深夜過房 一齊做運動 姣霸蔡思貝獨食洪永城 [壹週刊 - 1436] __,蔡思貝,洪永城,M1,

早前洪永城同蔡思貝為《大帥哥》開工,未埋位,蔡思貝突然向男友肉緊送飛吻。娛頭深夜過房 一齊做運動 姣霸蔡思貝獨食洪永城今年五月,唐詩詠宣布同洪永城分手 ...






早前洪永城同蔡思貝為《大帥哥》開工,未埋位,蔡思貝突然向男友肉緊送飛吻。

娛頭

深夜過房 一齊做運動 姣霸蔡思貝獨食洪永城

今年五月,唐詩詠宣布同洪永城分手,三年情玩完,一直有指 TVB「姣霸」蔡思貝是導致他們分手的導火線,當時被指介入做「小三」的蔡思貝一句:「唔好拖我落水!」敷衍否認,轉個頭她就孖住洪永城去佛山為新劇《大帥哥》拍外景時,有更多機會方便他們埋身相處。

有女主動送上門,洪永城當然食得唔好嘥,但吸取上次教訓,今次兩人做足掩飾功夫,人前刻意玩避忌,但紙包唔住火,開工期間二人經常藉囗扮攰雙雙離隊,又有劇組人員曾半夜三更目擊蔡思貝於男方酒店房步出,蔡思貝明正言順獨食洪永城!

無私顯見私





分手後,唐詩詠接受訪問,一度失控爆喊。

洪永城同蔡思貝長駐佛山一個多月為劇集《大帥哥》開工,貴為大台力捧花旦,蔡思貝全程有專用助手,一對一貼身服侍,在拍攝現場,由於人多耳目多,兩人刻意保持距離,每當日光日白兼有多人場口,即使對方喺身邊行過,他們都扮到視而不見互當透明,反而各自對住其他演員就有講有笑。

「 Sisley(蔡思貝)同 Tony(洪永城)都係無綫力捧人選,上次有報導話 Sisley介入 Tony同 Natalie(唐詩詠)感情,搞到佢哋分手,你知啦, Sisley本身嘅形象已經唔係咁好,所以高層好緊張,即刻搵佢照肺,提醒佢感情生活要低調啲,所以佢兩個而家好小心,喺人面前都死口唔認拍拖,仲扮到唔熟,不過其實咁樣咪仲奇怪,明明之前仲好 friend。」一名工作人員透露。





導演未 roll機,蔡思貝已捉實洪永城隻手,好入戲喎!





洪永城經常吹雞約跑步,每次蔡思貝都有出現,但就唔敢 po相上 ig,好避忌。





蔡思貝曾經喺限時動態中,上載同洪永城合照宣示主權。





收工後,張衞健時不時拉大隊請食消夜,但 Tony同 Sisley成日藉口扮攰甩底,只俾面出現過一兩次。

酒店房私會

開工互當透明,收工即刻鬼祟見面,據知熱愛運動嘅蔡思貝同洪永城,時不時會搵埋同劇其他演員做擋箭牌,收工齊齊去跑步。

「其實次次夜晚大班人出去跑步,好多時都有 Sisley份,但唔知點解 Tony唯獨要揀冇佢嗰張相先至 post上網,佢哋咁避忌,其實大家都知咩事。」 Tony身邊人透露。

另外,在劇中飾演「大帥哥」的張衞健,收工後經常吹鷄,拉大隊請食消夜,但蔡思貝同洪永城次次都用同一招,齊齊扮攰甩底,更試過被人撞破,兩人匿埋酒店房私會。

「 Dicky(張衞健)好好人,喺片場成日請大家食嘢,收工之後又拉隊請食消夜,印象中 Sisley同 Tony好似出現過一、兩次咋,次次都話攰要早啲返去瞓覺,仲試過有一次俾人撞到 Sisley半夜喺 Tony間房行出嚟!」一名劇組工作人員透露。





未埋位,洪永城行埋一邊玩「道具槍」,蔡思貝睇得勁入神。





轉頭又到蔡思貝在洪永城面前趷晒籮,擘腿拉筋。





同女友孖住開工,洪永城經常自 high,自摸下體不特只,又在蔡思貝面前 chok晒擺 pose。

一早有「景轟」

講番轉頭,其實洪永城同蔡思貝有路,絕對唔係今時今日才發生,兩人在一五年合作拍《味想天開》時已經有「景轟」,當時蔡思貝同洪永城雖然各有另一半,但兩人依然冇避忌,借開工為名,成日出雙入對,終於辣㷫正印唐詩詠,首度提出分手。

「嗰次之後 Tony即刻知驚,同 Sisley保持番距離扮唔熟,之後 Sisley拍第二部劇又黐埋其他男演員度,將 Tony放埋咗一邊, Natalie過咗啖氣就同 Tony和好如初,點知今年年頭套劇出街,佢兩個又成日一齊情侶檔做宣傳,佢哋玩開有感情,一拍埋又好快撻着番,最慘仲要有好多人睇唔過眼,向 Natalie報寸,揭穿佢哋!」洪永城身邊人說。

當時洪永城同唐詩詠又再醞釀分手,但過了無幾耐,他們被發現一齊出現古天樂舉行的團拜,事件才告一段落,但洪永城似乎對蔡思貝始終念念不忘,加上他們在劇集《大帥哥》又再做情侶,仲要對足大半年。

「嗰排佢哋趁 Natalie去咗北京拍《天命》外景,大半個月唔喺香港, Sieley同 Tony就成日約埋一齊做運動,有時開早, Sisley買早餐就只會買埋 Tony嗰份,等埋位兩個又成日匿埋密密斟,又成日打情罵俏,係有人覺得唔對路通風俾 Natalie,之後又俾人見過 Tony半夜三更車住蔡思貝,三次被背叛, Natalie終於忍無可忍嗌分手。」知情者透露。





蔡思貝有沙入眼,洪永城勁緊張。





「姣霸」蔡思貝對住張衞健一樣使出「姣功」,主動撩傾偈笑晒。





埋位前,兩人又情不自禁,摸一摸手。





三十幾度高溫拍攝,洪永城熱到伸脷。





拍攝中段因為現場人多,兩人又突然扮唔熟,互當透明,刻意避忌。





大合照時, Sisley借啲意挨住 Tony膊頭,一副冧樣。

借麥秋成做煙幕

被爆做「小三」蔡思貝東窗事發,惟有借前男友麥秋成過橋,製造「冇分手」煙幕,繼續霸「住」對方西貢村屋,賴死唔搬,務求轉移「小三」污名。

「麥秋成原本一直都好信任 Sisley,明白呢一行好多時有緋聞只係煲水新聞,不過 Sisley同 Tony拍緊《味想天開》嗰陣,有時佢收夜,男友都話車佢返屋企,不過次次佢都話唔使,點知有一次喺屋企樓下俾佢撞到 Tony車佢返嚟,嗰次之後同佢攤牌嗌分手,原本話會搬走嘅 Sisley就拖字訣,又話忙,又話唔喺香港,遲遲都未搬!」蔡思貝身邊人說。





同唐詩詠拍拖三年,洪永城曾多次背住女友偷食,令唐詩詠絕望。





為求洗底,蔡思貝一度借前男友麥秋成做煙幕,分手後仍寄居對方屋企。





入行後,蔡思貝頻頻「收兵」,更試過被高層照肺。





去年蔡思貝同洪永城拍《味想天開》時嘴出真感情。

戲假成真

做藝人工作唔定時,要偷食好容易,不少藝人經常以拍劇為由,背住正印,與拍檔戲假成真。

鄭俊弘 何雁詩

今年 4月,鄭俊弘被踢爆背住拍拖三年未婚妻 Beebs,與何雁詩秘密發展地下情,未斷正前,二人不時有藉口見面,拍旅遊節目《這個冬天不太冷》,又合唱劇集《我瞞結婚了》主題曲《真心真意》,拍 MV時更頻頻當眾打情罵俏。

何廣沛 朱晨麗

憑《超時空男臣》火速彈起的何廣沛,背住拍拖五年的前 Donut成員周梓盈,與劇中發展姊弟戀的朱晨麗朝夕相對,戲假情真,更不時孖住出席宣傳活動,早前以事業為重做藉口,狠飛周梓盈。

蕭正楠 黃翠如

14年,背住正印何傲芝,蕭正楠與黃翠如拍《師奶 Madam》火速撻着,並高調於《東張西望》公開愛的宣言,其後蕭正楠即飛何傲芝,結束三年情。

陳偉霆 趙麗穎

14年,陳偉霆在內地拍《古劍奇譚》火速爆紅,身家幾級跳, 15年 William被傳搭上內地女星趙麗穎,二人被拍到在片場拖手對劇本,更拍了一場長達三小時的激吻戲,事件爆出後, William即以聚少離多為由與阿 Sa分手。

姣霸亂食

要數 TVB姣中之霸,有「人肉發電機」之稱的蔡思貝一定走唔甩,入行幾年姣仔姣上癮,緋聞厚過電話簿,經常強調自己單身,卻四出「亂食」,無論小生定奀星,一律有殺錯冇放過。

周志文

14年,到台灣拍《衝線》外景,蔡思貝向大孖周志文埋手,主動摸上對方酒店房過夜,又拖大孖手仔,更互餵糖水。

羅仲謙

15年,拍《衝線》時,主動向「名草有主」的羅仲謙埋手,攞電話約食飯,挨到埋一埋,更當眾伸手幫羅仲謙扣皮帶,搞到楊怡要過廠監場,趕走姣精。

溫家偉

14年,與大隻仔溫家偉合作《衝線》時,不時攬頭攬頸,又孖住出席羅仲謙及楊怡婚宴,更公然將曖昧合照放上 IG。

沈震軒

14年,與沈震軒合作拍劇時為冧對方,完全當在場工作人員透明,見沈震軒未埋位,蔡思貝立即飛身企喺男方面前擘大雙髀,撥晒頭髮。

鄭俊弘

14年,與鄭俊弘合拍超市廣告,蔡思貝懶理當時正印姜麗文,姣花上身,突擊 Fred catwalk騷親自到後台送花,又約對方齊齊去紅館睇蘇打綠演唱會。

麥秋成

14年成功冧掂麥秋成,拍拖年半已經進駐男方家同居,今年初陪男友睇戲都要戰鬥格,化行妝出動透視 bra,但最終被發現性格太 open,於是俾仔飛。

陳展鵬

去年,被拍到孖住陳展鵬到九龍城車房整車,蔡思貝毫不避忌挨埋煎 pan度,其後更雙雙返回男方維景灣寓所。

張振朗

與「翻版 Cool魔」張振朗拍《踩過界》,蔡思貝向男方狂放生電,又將張振朗拉埋一邊,細聲講大聲笑,其間更向男方撒嬌有沙入眼,電到對方暈陀陀。

撰文:娛樂組

攝影、攝錄:瀚鍾、李玄


鍾意就快D Share啦!