吳業坤話自己時運低呀！
吳業坤（坤坤）對於被網民懷疑是陳潔玲口中的「賤男」，他接受東網訪問時表現得相當無奈：「唉，今次係真係躺着也中槍，我只能夠講要檢討吓自己啦，點解全香港咁多男藝人，點解淨係指住我，要檢討吓嘅，我都有WhatsApp同潔玲講，因為我都知肯定唔係講緊我，我同佢講：『哎吔，呢件事發生咗喎！』都要同佢確認一聲話有呢件事發生咗，佢都講唔係講緊我，講邊個我又唔想理，但係希望討論吓自己囉，我都好乖呀。」
問可覺得陳潔玲抽水？坤坤為對方講好話說：「我覺得呢件事，絕對唔關佢事嘅，唔係抽水，係啲網民或者啲觀眾覺得啫，係我自己嘅問題，我可能要出家兩、三年去洗刷吓自己人生。我就咁睇嗰啲內容，冇聽番（電台訪問），都唔係講緊我嘅，係我時運低，啲人估係我啫，哈哈，係我自己畀人咁嘅感覺，唉…唔緊要。」可覺得自己是賤男？他說：「我又唔覺得用渣男形容自己嘅，可能嗰時啦，幾年前，啱啱興嗰啲instagram，我又周圍去留言呀，男女都係，有啲人覺得：『嘩，你咁嘅撩女仔嘅！』啲人開始咁樣諗囉，跟住，冇計啦，自己檢討吓，檢討吓。」
來源 source: http://hk.on.cc
|
鍾意就快D Share啦！
|
|
|