邱晴成功減磅喇！
十位《2017香港小姐競選》候選佳麗到將軍澳電視城出席泳裝綵排，年僅17歲的6號邱晴（Mandy）參選至今一直顯得有點Baby fat，想不到在決賽前夕成功收身，以勻稱身材着泳裝亮相，但精神就顯得麻麻。而1號何依婷（Regina）則一直表現穩定，身形偏瘦的她今次泳裝上陣狀態相當好，身高最高挑的Mandy與最嬌小的Regina影合照時，身形差別相當大。
6號Mandy接受訪問，獲讚成功瘦身兼變索的她顯得相當開心：「瘦咗十幾磅，都算達成咗之前目標，可能年紀細，新陳代謝比較快，對飲食都有節制，只食蛋白質唔食粉（麵），靠蛋白質減肥，精神差咗？早起有啲攰，但有信心keep狀態到決賽。（擔心影響表現？）唔怕，平常心去做，希望會淡定啲。」
而1號Regina講到身形似乎有點太瘦？她說：「參選到依家自己都冇刻意減。（因壓力？）反而唔係壓力，係因為忙，冇時間食飯。（怕太瘦輸蝕？）最緊要係健康。（額頭有痘痘？）可能係出油加上化妝，今晚會補救吓，再做準備。（師姐馮盈盈睇好你？）要多謝佢，知道有人支持自己參選信心大啲。」
來源 source: http://hk.on.cc
|
鍾意就快D Share啦！
|
|
|