Baby出名係工作狂，估唔到原來佢都試過捱到肺炎加抑鬱。
女星Angelababy（楊穎）有個錫到佢燶嘅老公黃曉明，今年初又誕下囝囝「小海綿」，加上近年喺內地大受歡迎，絕對係人生勝利組。不過，如今事業家庭兩得意嘅Baby，其實曾經有過低潮期，仲試過患上抑鬱。
三日三夜冇瞓覺
Baby最近接受訪問時，提及早年轉戰內地市場，當時搏命工作，試過足足三日三夜冇瞓過覺：「最累的時候試過三天三夜沒睡覺，最後一天還要飛到美國拍廣告。去機場時太晚，只能窩在經濟艙中間的位置。那樣的苦其實不苦，身體懂得自我修復。讓人過不去的往往是心的疲憊和無奈。」
拍戲拍到肺炎加抑鬱
休息時間唔夠，加上初到北京思鄉，Baby亦形容當時自己係「舉目無親」。期間佢喺冬天時間拍戲，拍到一半患上肺炎，身心疲累下更患上抑鬱，Baby亦直言：「天冷時要在戲服裏加一件充電的保暖內衣，身體暖了情緒問題卻無法解決，每晚回到酒店看着天花板睡不着只想哭，誰勸都聽不進去。」幸而Baby後來靠打機抗抑鬱，佢話發現打機時會完全集中喺遊戲上，打到攰就瞓，第二日起身個人變得有精神。
唔認係人生勝利組
訪問中仲講到Baby被視為人生勝利組，佢就有唔同嘅睇法：「我身邊的朋友有的剛結婚，有的還在工作，有的剛談男朋友。選擇了這個，肯定放棄一點別的，看她們資質怎麼選擇。都是認識了十幾年的老朋友，反正身邊沒人跟我說羡慕我，因為她們都有自己的生活方式，價值判斷，以及她們想要的選擇。」
來源 source: http://hk.on.cc
|
鍾意就快D Share啦！
|
|
|