世事嘅嘢，真係估你唔到，尤其喺無綫，更加係變幻是永恒！
繼喺今年5月無綫啟動自家發明時光機，將一套10年前嘅倉底貨《蘭花刼》帶咗嚟2017年，結果搞到首周平均收視跌穿2字頭(新聞連結：http://bit.ly/2sWF2VA )，不過有啲嘢真係估佢唔到，你又會點諗到，一個11年前嘅綜藝節目，又會重生？
近日有消息指錢嘉樂、林曉峰喺2006年主持嘅《囍趣台》，當年有傳因為內容惡搞唔少高層，加上題材又比較敏感同胡鬧，結果被臨時抽起唔播(新聞連結：http://bit.ly/2xs7TWS )。
睇番11年前嘅報道，有份被惡搞嘅，包括錢嘉樂搽黑眼圈扮時任高層何麗全，鄭敬基則扮時任總經理陳志雲，形神俱似。嗰陣錢嘉樂連當時嘅新聞之花趙海珠都不放過，有傳損害了無新聞從業員形象。
節目當時任總經理陳志雲就抽起《囍趣台》一事回應，強調與主持模仿佢本人無關，陳志雲話：「節目本身冇問題，我只係覺得如果擺非合家歡時間播話，可以發揮得更加好。」而當時本報了解，無綫突然抽起原因，係認為《囍趣台》內容胡鬧，其中《斷背心》內容更是露骨不雅，不適合在合家歡時段播出。當時有傳過話另覓時段、如兩個月後(即06年5月底左右)播出，點知一擺就咁多年。
十年人事幾番新，何況十一年。如今《囍趣台》終於獲安排喺10月喺網上播出，高層余詠珊接受訪問話都承認呢件事，仲話O依家睇番都覺得好好笑。
O依家喺蒙古拍《黃金兄弟》嘅錢嘉樂，噚日接受傳媒訪問，佢話自己都有聽過呢件事，講到當年因為得罪高層而禁播，佢話：「我唔知呀，冇聽過，不過我自己都想睇番！計番都係11年前嘅事，真係好耐，嗰陣我哋都會講啲時事性嘅嘢，亦會有啲搞笑造型，有啲造型都仲記得，好似拍咗個《斷背山》嘅搞笑版，又扮過新聞之花，o依家諗番都覺得幾好笑！」
不過嘉樂話始終過咁多年，有啲細節真係會唔記得：「不過應該會有啲得意嘢，當年係祖藍第一次拍呢啲gag騷，嗰陣佢仲未入《掌門人》，嗰陣我哋都覺得佢幾得意，所以咪叫埋佢一齊玩，雖然嗰陣祖藍仲係好fresh，又喺演藝浸淫咗好耐，但係佢都好有個性，係一個高材生，好投入我哋嘅節奏，真係好好玩！」
相關文章 :
【臨播先抽起】錢嘉樂扮過何麗全趙海珠 醜化大台節目難產
http://bit.ly/2fnf90i
【倉底貨有冇寶？】《蘭花刼》10年後翻生 《天與地》等咗兩年先播
http://bit.ly/2yjcNDn
| (資料圖片) | | |
| | | |
| | | |
| |
|
鍾意就快D Share啦！
|
|
|