楊冪開工，湊女重責落喺劉愷威身上！
內地女星趙薇及楊冪事業如日中天，都選擇安排女兒入讀香港的國際學校。9月1日開學日，但國際學校日前已開學，楊冪與老公劉愷威各有各忙，近年甚少一起公開亮相，但兩人對3歲女兒「小糯米」真的錫到燶，今年3月更被拍得忙裏偷閒結伴出席囡囡幼稚園的親子運動會，而為給女兒有清靜的讀書環境，免受外界騷擾，他們原來已秘密為小糯米轉讀國際學校。
晨早七點現身學校
昨晨（1日）約7時，戴Cap帽的劉愷威與母親和囡囡乘七人車離開西半山寓所前往港島區一間國際學校，劉愷威落車後即到後座抱小糯米步入學校大堂，劉母亦跟隨其後入內，身穿黃色運動衫的小糯米眼仔睩睩，乖巧地伏在爸爸的膊頭上，十分可愛。至10時半左右，劉愷威抱着上完堂的小糯米火速步出學校門口上車，並由司機接載返寓所。據知楊冪現正身處內地拍劇，故未有現身湊女。
囡囡返開勁開心
劉愷威接受東訪訪問，問到女兒小糯米開學心情如何？他笑說：「梗係開心學校咁多小朋友，又咁多嘢玩，開心到不得了，小朋友返學實開心，佢開咗學成個星期，都好習慣！（太太要工作所以冇陪湊女？）媽咪要做嘢，不過佢都成日送佢返學，一有時間就送！」
來源 source: http://hk.on.cc
|
鍾意就快D Share啦！
|
|
|
