每個小朋友都會經歷過反叛期，就連星二代到一樣，而佢哋父母話晒都係公眾人物，作為仔女嘅佢哋反叛期做過咩都自然被公開。
李喜兒
林憶蓮女兒李喜兒依家已經19歲，喺外國讀書嘅佢不時仲會返嚟香港陪媽咪，不過佢當年喺香港讀書睇嚟都幾激心，事關當年有指李喜兒小學時已經同同學打交，去到中學仲被記過兩次。
許倚榕
今年20歲嘅李麗珍同前夫許愿生嘅囡囡許倚榕遺傳晒媽媽靚樣，不過當年媽媽李麗珍同男友潘源良拍拖，阿女一樣以「Uncle」稱呼似乎唔係咁鍾意，而李麗珍曾經喺訪問中承認阿女同潘源良相處有問題，仲話阿女當時喺反叛期咁話。
廖文哲
俱是虔誠基督徒的廖啟智及陳敏兒，長子廖文哲，曾在網上自認廢青，並在社交網上載多張留長頭髮、化濃妝的照片話自己想做女人，令雙親十分頭痛。智叔更自責早年因忙於照顧患血癌去世的孻仔文諾，忽略了步入青春期的大仔，又澄清謂兒子其實有女朋友，並謂：「無論佢學業或將來成就點，都係我個仔。」
謝霆鋒
謝霆鋒2011年憑《綫人》榮升金像影帝時，自爆反叛經歷，公開18歲那年拎新人獎後返到屋企寸老竇謝賢。霆鋒憶述：「我18歲攞新人獎，我老竇曾經同我講過，『我喺你細細個時拍過幾百套劇、幾百套電影。』嗰晚我就同番佢講，你拍過幾百套戲，你有冇攞過金像獎？之後一個獎擺喺枱上。我知佢喺屋企睇緊電視，我唔知點解呢番說話哽喺心入邊十二年，我希望佢唔好似我咁放喺心十二年。希望佢原諒呢個不知天高地厚、無禮貌嘅小朋友。要湊大一個咁難教嘅細路、每日笑面迎人，你至係最佳男主角。」
|
鍾意就快D Share啦！
|
|
|