2017年9月21日 星期四

【有片有真相?】疑似馬雲攬女嘴嘴嘴 阿里巴巴點回應? __,馬雲,阿里巴巴,

疑似馬雲攬女嘴嘴嘴CAP圖一段只得幾秒嘅片段,近日喺香港財經界瘋傳。片中有一位疑似中國首富馬雲,需知道佢外型突出,冇人唔認得。場景係喺一間類似夜場或K ...


一段只得幾秒嘅片段,近日喺香港財經界瘋傳。片中有一位疑似中國首富馬雲,需知道佢外型突出,冇人唔認得。場景係喺一間類似夜場或KTV嘅地方,呢位疑似馬雲嘅型男,以一對強而有力嘅臂彎,將美女纖腰攬到實一實,下身就跟隨音樂強勁節拍不停左右、左右咁擺動,最後呢位貎似馬雲嘅型男,仲親咗美女一吓嘴嘴。市場仲流傳,馬雲係去澳門夜場度玩,留低呢段珍貴片段。

不過...各位咪跟車太貼,記者上網翻查類似片段,發現最早喺嚿年,呢段片已經喺內地開始出現,只不過,經過網絡管理員嘅一番努力,刪吓刪吓,呢段片嘅來源所剩無幾,亦冇大肆瘋傳。去到近日,失驚無神有人喺YouTube舊片重share,雖然香港財經界人物普遍見慣大蛇痾尿,對於疑似馬雲嘅風流片段,難免嘩嘩聲,大家開心share一番。

對於上述片段,阿里巴巴集團發言人回應指,相關視頻中的男士並非馬雲,該視頻早於去年已在網上被惡意傳播,這也不是他第一次被人假冒。

究竟係咪馬雲?小記就覺得,片中人唔係馬雲,但一定係外星人。

蘋果財經,關心你飯碗

http://fb.com/appledailyatm


鍾意就快D Share啦!