吳綺莉女兒卓林快將18歲，早前被爆輟學搬離家，跟30歲、身材超好嘅加拿大籍網紅女友Andi同居。兩人喺北角租住200呎劏房，曾被影到一齊行街食飯，旁若無人攬腰錫錫。
上周六(9月23日)，讀者劉小姐透過《蘋果》「爆相爆片」，見到卓林與外籍女友現身灣仔太原街(俗稱玩具街)。當日傍晚六時許，卓林與Andi及一名女友人喺太原街一條橫巷煲煙，向來喜歡短頭髮嘅卓林，索性剷咗一頭銀灰色嘅skin head，造型越來越中性化，非常有型。而Andi就繼續「粉紅控」打扮，着住貼身衫、爛牛仔褲及厚底高踭鞋，大騷激凸身材。
由於同行嘅女友人都係染咗綠色頭髮，打扮出眾，劉小姐話唔少途人都會停低望兩眼，佢話﹕「佢哋喺玩具街行出嚟，小龍女(卓林)行先，其餘兩個女仔跟喺後面，之後三個人轉咗入一條巷仔一齊食煙。見小龍女警覺性都幾高，有周圍望吓，反而兩個朋友就冇乜理會。」佢哋企喺街度傾咗差唔多15分鐘，離開時見Andi將煙頭掉落地踩熄，似乎有欠公德。
對於卓林住劏房，吳綺莉以短訊回覆《蘋果》表示不想多談。不過，吳綺莉曾經透露卓林有搵工作教小朋友普通話，早前亦在微博寄情貼文，引述一位作家一段說話：「我慢慢地、慢慢地了解到，所謂父母子女一場，只不過是意味著，你和他的緣分就是今生今世不斷地在目送他的背影漸行漸遠。你站在小路的這一端，看著他逐漸消失在小路轉彎的地方，而且，他用背影默默地告訴你，不用追。」引述完之後，佢就跟女兒講：「從來不曾要求你按照誰的意志去活，只願你活成自己想要的樣子。」
| 卓林離家後，剪咗一頭skin head，外形越來越中性化。(圖片由讀者提供) | | |
| | | |
| | | |
| | |
|
鍾意就快D Share啦！
|
|
|
