玩呢啲？！
「處男下海」為無綫拍攝劇集《逆緣》的陳家樂，近日因趕戲關係曾試過32小時不眠不休，他卻享受與一眾好戲之人包括黎耀祥及夏文汐等合作，自言獲益良多。日前陳家樂因應劇情需要，外景時「冒死」徒手捉蛇，嚇得同場拍檔林夏薇（薇薇）及糖妹花容失色尖叫﹗
談到家樂如此大膽，薇薇笑謂：「我真係好驚蛇㗎，本來同監製傾好咗唔使掂，但埋位時都企都好近。家樂好似唔驚，起初攞條假蛇掟埋嚟，拍嘅時候佢捉唔實蛇袋袋口，搞到條蛇先後捐咗入小巴底同草叢，總之嗰日拍到嚴重超時，天黑先收工。」
而為求迫真，日前劇組更安排家樂及陳山聰即日來回內地，拍攝一場日軍打仗戲。向來捱得的家樂亦不禁謂﹕「嗰晚喺香港收工，即刻安排車我哋返內地，拍完又緊接返嚟再開廠。我哋根本冇時間準備隨身用品，本來諗住去到喺附近買，點知拍攝地點喺個森林，連電話訊號都收唔到﹗拍到凌晨4、5點終於搞掂，但我同山聰唔小心踩咗落個氹到變咗泥鴨，唯有要求工作人員幫我哋搵間賓館沖涼，全程好狼狽，經歷絶對難忘。」而身為同公司的麥子樂試過現身片場探家樂班，夠晒好兄弟。
來源 source: http://hk.on.cc
|
鍾意就快D Share啦！
|
|
|
