組合Twins分別以白色斜膊look及吊帶裙現身新港城中心，為全新粵語專輯《花約》舉行「新港城中心 X TWINS《花約》」簽名會，吸引過百粉絲到場支持，更與現場粉絲大玩遊戲，蜜運中的阿嬌更全程春風滿面！談到唱片封套用花來配合專輯主題，阿嬌即搞笑問阿Sa：「咁我哋係咩花？係姊妹花！」全場爆笑！
唔使男友夜診
接受訪問時，談到阿嬌醫生男友賴弘國有冇陪自己開工，她指男友唔係住香港，兼要經常周圍飛。問到阿嬌有冇掛住男友，佢話：「你話呢？咁你寫唔知啦。（成日冇得見？）佢都好好，會organize schedule去就啲期，佢本身都周圍去，編番近啲香港。啲行程實在冇人忍受到，車程過飛機嗰啲，佢堅持到好勁。（覺得對方犧牲好多？）係呀！」問到男友會否為阿嬌夜診，阿Sa即幫口問：「夜訪呀？」阿嬌表示男友係醫學美容醫生，自己冇需要，加上喺香港都有代言醫學美容品牌。問到會否對立，她說：「關乜事，唔通養狗唔可以嫁獸醫咩？」
「今日唔知聽日事」
提到阿Sa早前有指幻想過同阿嬌一齊舉行婚禮，阿Sa直言要實行很有難度，問到兩人邊個會跑出先結婚？阿Sa說：「今日唔知聽日事，依家開心咪得囉！」阿嬌就話：「等佢財政成熟啲嘅時候，將來唔使捱先算啦，佢話唔想做嘢。（講定係結婚對象？）如果啫。（視你為將來嘅太太？）係啩，唔知呀，你哋問佢啦，搵王陽明，佢哋咁似樣。（婚後會定居台灣？）講到咁遠，講講吓冇咗呀，唔好講！冇諗過咁快畀人知，咁快畀人知好快冇㗎！」
另外，談到男友嘅情史被網友起底，阿嬌即護男友：「每個人有歷史，每個人都有過去，唔介意、包容同鍾意咪得囉，最緊要唔好影響都人哋之前嗰個（前妻），唔好騷擾到人。（見咗家長？）未見呀，都唔係拍咗好耐，識咗3個月都冇。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|