大陸導演王岳倫同主播李湘嘅大女王詩齡因為拍真人騷《爸爸去哪兒》而爆紅，嗰陣有唔少電影都搵佢演出，連周潤發同張家輝嗰套《賭城風雲2》都搵佢演出！
不過人紅自然多是非，除咗有人批評王詩齡嘅身型太圓潤外，最多人批評係李湘嘅教女方法。曾經有大陸傳媒話李湘喺一個訪問入面，自爆一家三口每個月支出大約60幾萬人仔，剩係喺飲食方面已經用咗7萬，食嘅最好，用嘅又係最好，連玩嘅又係最好，甚至佢又經常將王詩齡打扮成個貴婦，令到佢失去童真，結果梗係俾人炮轟！
唔經唔覺，王詩齡今年已經8歲，李湘今日喺微博貼咗相，原來佢哋為囡囡搞咗個盛大嘅party，場地佈置得好夢幻，以粉紅色做主題，掛咗好多氣球，枱上仲擺咗好多一束束嘅大型花球同蠟燭咁，李湘為搵人整咗幾個三層高嘅粉紅色翻糖蛋糕，佢嘅爺爺仲一如往年，送咗一張親手畫嘅自畫像俾佢！
壽星女王詩齡著咗條粉紅色嘅長裙，十足十足一個公主一樣，真係好鬼貴氣，李湘留言話：「親愛的寶貝又長大了一歲！你已經是8歲的小姑娘了，爸爸媽媽祝福你，永遠是最幸福最快樂的天使！永遠愛你！」爹哋王岳倫亦留言話：「永遠愛你！」雖然有唔少網民祝王詩齡生日快樂，但係都有人話：「太奢侈了！」
| (微博圖片) | | |
| | | |
| | |
來源 source: http://hk.apple.nextmedia.com
|
鍾意就快D Share啦！
|
|
|