組合Super Girls（SG）最近推出新歌《女僕》，首次邀得黃偉文填詞，講述女生像「女僕」般不停向心儀男生付出，但在男生心中女生其實一點地位都沒有。
除成員Cheronna（吳嘉熙）外，其餘四女都坦言做過女僕，Aka（趙慧珊）表示喜歡照顧人的感覺，Heidi（李靜儀）亦謂很享受做女僕的過程，因覺得自己好似喺度拍拖咁，Jessica（蔡明思）則謂其實沒有人想做女僕或做兵，只是不知不覺陷入去，記得自己當時為了討好對方，更特地學整蛋糕：「整埋蛋糕送到去畀佢食，但點知佢一收到係『哦，食一啖囉』，之後就話要出去，叫我返屋企先，嗰刻我真係醒咗，覺得自己要有番啲尊嚴。」
自覺太天真太傻
Yanny（陳穎欣）指在某年情人節，她試過整朱古力送給男生，但有不太好的經歷！她說：「我以為嗰日我哋一齊去睇戲，但佢叫我返屋企先，我覺得自己好核突、好Cheap，朋友鬧到我狗血淋頭，我覺得自己太天真、太傻，但依家我已經成長咗。」
被男友當做工人
Heidi亦謂曾喜歡一個男生，但對方常常若即若離，後來聽到朋友爆料，指該名男生有與其他女生發展曖昧關係，故自己終於醒覺。聽到她們的分享，Cheronna愈聽愈嬲：「因為我有個朋友都係咁，個男仔一啲都唔保護同珍惜佢，佢喊到腫晒我都照鬧佢，『點解你咁唔尊重自己？』」她坦言沒試過做女僕，但試過拍拖時被男友當做工人：「佢叫我做乜都聽晒佢講。（最盡試過點？）佢唔鍾意我啲朋友，所以我冇咗朋友，但我覺得每個女仔都有自己地位同尊嚴。」
拍拖要坦誠相對
但Jessica亦謂因為做過女僕，才令自己懂得成長：「領略到呢個世界原來唔係你對人好，人哋就一定會接受，所以要更珍惜對你好嘅人。」現正跟夏雨兒子黃奕晨拍拖的Cheronna則笑言：「我話唔要做女僕，所以就調番轉做女皇，但其實冇女皇呢樣嘢，拍拖最緊要大家開心同坦誠相對。」
Aka爆50歲遇真姻緣
講到Cheronna及Yanny公開戀情，Aka坦言羨慕：「可以搵到一個穩定嘅同可以公開嘅伴侶係好幸福，唔使驚畀人影到或者講大話。（依家有冇人追？）冇呀！之前有，但已經畀我當做buddy（夥伴）。」聲稱單身的Heidi亦謂聽講澳門有個月老很靈驗，笑言她們可以一起去拜。Aka亦笑言之前有相士指她51歲才有真姻緣：「之後我再去問，有另一個話我真係要40尾50歲先有，搞到我好傷心。」
髮型：Galaxy@HAiR
服裝：emoda@ithk(Jessica), Snidel(Yanny), Lily Brown(Cheronna,Heidi)
|
鍾意就快D Share啦！
|
|
|