67歲嘅「漫畫教父」黃玉郎今年8月，被爆將再做老襯，有指佢為35歲女友Cass，包夜場為女友慶生兼跪地求婚。原本喜事一樁，但黃玉郎嘅未婚妻Cass，就同黃玉郎嘅前度緋聞女友林熹瞳(Rachel)喺ig對罵( 新聞連結：http://bit.ly/2ihJETl )。之後 Rachel 就話件事只係誤會，當時佢話：「其實黃生都知道件事係誤會，解釋咗後，佢都知自己誤會咗我，平息咗，大家都咁大個人，識諗嘅。」( 新聞連結：http://bit.ly/2iWAefK )
事件終告段落，而今日有周刊就報道指黃玉郎嘅前妻倪詩蓓，最近就同患有嚴重自閉症嘅17歲囝囝Royce，返港定居，並計劃出書講述照顧自閉兒嘅辛酸。
今年51歲嘅倪詩蓓，係80年嘅女星，有指佢係已故巨星張國榮(哥哥)嘅初戀，佢哋係合作麗的時代嘅劇集《對對糊》而生情愫，後來女方要到台灣發展，拍拖兩年便分手。99年倪詩倍就同黃玉郎結婚，婚後生活十分低調，更因囝囝Royce於香港消失13年。
報道指，倪詩蓓當年發現囝囝患有嚴重嘅自閉症後，就獨自帶佢到醫療設備較好嘅新加坡定居，06年更與黃玉郎離婚。過去13年，獨自喺新加坡照顧Royce，倪詩蓓自言前年自己嘅體力終於不勝負荷，高血壓令佢進出醫院5次，去年跌傷，有十個月要用枴杖。最近佢成功喺香港幫囝囝搵到寄宿學校，所以就決定回港定居。倪詩蓓話，o依家回港定居，囝囝一星期有五日喺學校，周末周日先返屋企，所以就多咗時間寫書，分享吓照顧自閉兒嘅經驗。
講到囝囝，倪詩蓓可以無所不談，但報道指，佢就絕口不提前夫黃玉郎，連對方名字也不願多提。但講到逝世多年嘅舊情人哥哥，倪詩蓓就放下戒心，報道入面話，佢哋當年出街唔會驚俾人見到，哥哥放工後就會着人字拖同佢去街，仲話當時有好多人見到佢哋，都會問佢哋係咪真係拍拖㖭！後來佢去台灣發展，同哥哥就好自然咁分開咗。
更多娛聞，喺晒《娛果》
http://fb.com/appledailyent
| 51歲嘅倪詩蓓最近帶同患有自閉症嘅兒子回港定居。 | | |
| | | |
| | |
|
鍾意就快D Share啦！
|
|
|
