今年27歲的前新聞小花陳嘉倩，由Now TV過檔無綫後人氣增加，即使離開主播台，見報率亦依然高，戀事更加成為焦點。早前《蘋果》影到陳嘉倩和凸肚男拍拖，即有人爆料指名叫陳志遠的凸肚男有女友，與無綫女星朱婉禎拍拖，而陳嘉倩亦有醫生男友。朱婉禎對於捲入四角關係，她承認曾與凸肚男拍拖，但分手不涉第三者。
與醫生已分手
至於被形容感情多姿多采，陳嘉倩淡然回應：「從來都冇話多姿多采，上次影到嗰位係發展中、了解中。」至於是否有位醫生男友？她表示：「其實係之前嘅事，都已經分咗手，我都唔知點解會有啲咁嘅傳聞，不過每個人都有以前嘅事。」
有傳聞指凸肚男本身有女朋友，陳嘉倩即為對方澄清：「唔會有我哋了解中，都係正式交往。」然而，面對網民指她經常收兵，她則說：「我冇睇到喎，從來都冇諗過，冇當過人係兵，正常交朋友。」
「係財政問題」
此外，有線球彩台前主播陳思琦（Rita）於四年前遭前男友上門禁錮12小時，兼持刀要脅同歸於盡，被告最終入獄兩年四個月，有指此人正是陳嘉倩認發展中的凸肚男陳志遠。
Rita昨日接受電話訪問，否認是陳志遠前女友，稱當年只涉金錢糾紛。她說：「佢唔係我男友，當時只知佢嘅財政比較有問題。」提到二人涉金錢糾紛，Rita續謂：「唔止我，仲有同好多人，但佢係利用人哋善心。」Rita更稱對方至今未還錢。《蘋果》曾聯絡陳嘉倩，問關於男友有案底一事，但她未有回覆。
採訪：卓寶花、嵐山
攝影：陳慧安
|
鍾意就快D Share啦！
|
|
|
