掃呢頁CODE去手機

2017年11月15日 星期三

【獨家】曾遭嘉倩BB男友禁錮12小時 陳思琦﹕我係其中一個受害者 __,思琦,

陳嘉倩被《蘋果》率先爆有金毛凸腩男友接載返工放工,仲去平民茶餐廳撐枱腳,嘉倩BB前晚出席活動承認兩人「發展中」。(相關新聞﹕http://bit.ly ...




陳嘉倩被《蘋果》率先爆有金毛凸腩男友接載返工放工,仲去平民茶餐廳撐枱腳,嘉倩BB前晚出席活動承認兩人「發展中」。(相關新聞﹕http://bit.ly/2yAuYF6)唔少宅男粉絲睇到呢單新聞,都會流住兩行眼淚講句﹕「這些機會......」

不過,嘉倩BB男友個底好似幾花,近日網上不停有人爆料,指男方名叫陳志遠。除咗同過無綫小花朱婉禎拍拖外,4年前又捲入借貸糾紛及持刀禁錮案。

03年,陳志遠曾被一名姓鄭嘅馬會餐廳經理入稟追討逾百萬欠款。當時女經理表示陳志遠自稱係貨運公司負責人,並展示戶口存款有近8,000萬元,又吹噓與曾志偉,苗僑偉等人相熟,結果佢喺短短兩個月內以生意周轉不靈、冇錢買機票、陪女友流產等藉口,向原訴人借咗超過一百萬元。據稱當時陳志遠正與前線球彩台女主播陳思琦(Rita)交往,記者向佢查問時,Rita指對方自稱係馬主之子,但就經常向佢借錢,金額逾百萬元,但由於每次借錢只收現金,冇銀行過戶嘅證據,雙方因而分手。

同年,陳思琦遭前男友陳志遠持刀禁錮12小時,對方要脅要同歸於盡,結果陳志遠被判入獄28個月,留有案底。(相關新聞﹕http://bit.ly/2zojaJt)

《蘋果》日前致電陳思琦,佢表示與陳志遠已經冇聯絡,但要澄清兩人並冇拍過拖,佢話﹕「佢唔係我男友!當時我只知佢係財政比較有問題。(有金錢糾紛?)唔止我,仲有同好多人,但佢係利用人哋善心,欺騙咗好多人,詐騙人嘅金錢,即老千囉簡單講。」Rita直認自己都有閃失﹕「我係其中一個受害者,唔係咁好彩,當時我又獨居,係一個好好嘅對象,而且做幕前就慘啲,呢啲真係做幕前辛酸。我當時都係以一個朋友咁舒解佢嘅財困,點知出到嚟自己損失金錢,仲破壞我名聲。(還咗錢未?)從來沒有。」

早前嘉倩BB好開心咁喺ig限時動態,拎住張投注額達三千元嘅賽馬投注,唔知係咪由「馬主之子」陳志遠教佢。對於嘉倩BB同陳志遠正發展中,陳思琦表示不願置評,而嘉倩BB就一直未有回覆。



更多娛聞,喺晒《娛果》

http://fb.com/appledailyent

陳思琦與陳志遠(小圖)曾捲感情及金錢糾紛,思琦直言至今仍未追討借款。(網絡圖片) 陳嘉倩早前喺ig放閃,話自己買咗3000蚊馬仔,仲叫大家估佢當日有冇luck?(ig截圖) 陳志遠管接管送,全日陪住嘉倩BB開工。(資料圖片)
陳志遠對女朋友又真係好細心,食緊嘢都幫嘉倩BB撥蚊。(資料圖片) (資料圖片) 仲一齊返屋企。(資料圖片)
2013年陳志遠曾因禁錮陳思琦,被判入獄兩年四個月。(資料圖片) (資料圖片) 嘉倩BB前晚出席活動,提起男友仍然笑得好甜。(資料圖片)

鍾意就快D Share啦!