徐子珊冇睇劇，但都力撐苗僑偉同埋宣萱。
藝人徐子珊（Kate）以火辣的黑色Deep V裙現身活動，她表示從未試過出席活動感到咁緊張，現時修讀心理學碩士的她，表示稍後要趕到學校考試：「今朝4點半就起身，依家係呢個學期最後一個星期，返埋聽日學就可以全程投入劇組，唔使再做跨境學童，等到一月中先再返學。（你嘅學歷咁高，啲人敢追你？）冇諗呢啲，呢個course讀兩年，一路忙工作要跑兩邊，劇組主要喺深圳拍。」
車廂中做功課
Kate坦言未有諗過轉行，更表示打算讀完兩年書先算。問到讀這個課程是否為拍心理戲？她笑言：「真係有人問我係咪嚟試吓上兩堂，咁問我真係好尷尬，我真係好努力讀書。（你會接呢方面嘅劇？）有係好，可以用得到，但我冇諗到咁複雜。（之前有拍過？）未，有機會可以試吓。（係咪識睇人嘅心理？）好多人都問我啲人係咪唔敢同我傾偈，但其實係誤解，佢用好多科學證明人嘅行為同心態，反而我係花好多時間學統計同做Research，中港車來回要個幾、兩個小時，要喺車度做功課睇論文。」
苗僑偉請食飯
問到睇好邊位演員會奪得今屆視帝視后？她直言當然是苗僑偉（三哥）及宣萱：「自問係唔公平，我冇睇過晒啲劇，但作為好朋友係要支持。好開心三哥拎咗馬拉視帝，心情好同佢開工開得開心。（有冇請你食飯？）昨日Lunch佢請，同佢一齊開工。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|