藝人古天樂（古仔）出席於又一城舉行的「又一城‧快樂聖誕」開幕禮暨聖誕樹亮燈儀式活動，古仔主持亮燈儀式，現場有不少女仔踢腿跳舞，更示意叫古仔齊齊跳，不過他就沒有跟着跳，現場氣氛有少許尷尬。古仔於台上又用法文說「聖誕快樂」，更魔術變出聖誕花，裝飾聖誕花環，司儀問他會否在家布置聖誕樹，他坦言都會。古仔坦言今年聖誕都有假期，希望放一個白色聖誕。司儀又問他有否試過於巴黎過聖誕，他謂：「巴黎就去過好多次，印象中聖誕都試過一次，巴黎鐵塔啲燈都好靚。」
半個月覆診一次
之後古仔接受傳媒訪問時，他表示原本打算帶父母去旅行，但原來父母約了人，現在看看父母能否調動到，跟他一同去旅行。問是否很久未試過白色聖誕，他謂：「唔係好耐，係未試過過飄住雪嘅白色聖誕，難得有假期，都想帶父母去旅行，之前嘅眼傷開始好轉，已經拆咗線，依家只係每個月覆診一次，半年沒問題就冇事。」
想去芬蘭睇北極光
問到最近拍電影又引致椎間盤凸出，古仔謂：「好番嘞！嗰三、四日要拍打戲，一邊進行針炙，一邊電療，可能拍動作戲血液循環好，快啲好番。（辛苦命？）係呀！唔做唔舒服。」至於旅行想去甚麼地方，古仔坦言想去芬蘭看北極光，但頭尾機程時間耐，驚唔夠時間，記者提議他去日本，他又指日本太多遊客，又笑指他不是帶女朋友去怕甚麼時，他謂「帶父母去，太多人費事麻煩」
戥宣萱開心
說到宣萱剛剛於吉隆坡奪得視后獎項，古仔坦言不知道，他謂：「我真係唔知，都戥佢開心，會諗吓送乜嘢禮物畀佢。（想唔想拍劇攞視帝？）有合適都想拍，但係視唔視帝唔係重點，最緊要劇本同拍檔好，好似宣萱咁，大家熟啲再合作會好啲。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|