熱爆娛樂: 【封奶賀台慶】朱晨麗真空！陳凱琳禁露胸鄭嘉穎今晚最開心 _

2017年11月20日星期一

【封奶賀台慶】朱晨麗真空！陳凱琳禁露胸鄭嘉穎今晚最開心 __,凱琳,鄭嘉穎,嘉穎,朱晨麗,陳凱琳,

港姐一向都係好乖，好聽公司話，應該係，所以，今晚佢哋都好聽話，喺限奶令之下，大家都好性感。

相信今晚最開心嘅，一定係鄭嘉穎，因為，佢一向都唔多鍾意女友陳凱琳性感，之前傳媒問佢點睇無綫禁奶令，佢就好風騷咁話：「希望唔好似秋生話港姐要着潛水衣咁，我都好期待睇明年港姐會點。」

今晚，陳凱琳真係乖乖封胸，只係露背，展示骨感身形，佢接受傳媒訪問時話：「鍾意喺唔同嘅場合露唔同嘅部位，我覺得咁樣會有唔同嘅美，所以今晚揀咗露背。」咁如果著得性感，男友鄭嘉穎會唔會呷醋？陳凱琳就話：「佢不嬲都鍾意我揀嘅衫，佢覺得我揀得嚟都可以凸顯到我嘅美感，著啲咩佢都非常信任。」陳凱琳今年負責五十個花旦嘅環節，佢表示大家工作上都好忙，所以之前只係試過兩次真係人齊嘅綵排，不過自己都有自信，仲話跳舞最緊要係個氣氛，跳得出個優美嘅感覺就已經夠。

同陳凱琳一齊出嚟嘅黃翠如，露埋長腿，仲性感過佢。當然，不得不提係頭先俾坤哥吳業坤一圖踢爆佢發福凸腩嘅洪永城，今晚唔知佢用咗幾多個腰封？

至於其他港姐，例如朱千雪、蔡思貝、劉穎旋同劉佩玥——「雙劉」劉穎旋同劉佩玥就好性感，劉穎旋封咗塊紗喺心口，劉佩玥就白色低胸裙，露出微型湯碗胸，但梗係鍾意《降魔的》嗰個佢多啲，而11年港姐冠軍朱晨麗今晚都好性感，玩到真空上陣，上半身開咗個大Ｖ用簿紗遮住，若隱若現。

更多娛聞，喺晒《娛果》

http://fb.com/appledailyent

	朱晨麗真空！
	湯洛雯唔算搶眼，但就高貴。
陳凱琳好密實		但後面就露背。
蔡思貝。
劉佩玥		朱千雪有少少失色。
黃心穎玩通窿。