小S一定好開心啦～
台灣經典人氣偶像劇《流星花園》製作人柴智屏今年年頭宣布將會開拍2018版，講咗咁耐都只聞樓梯響，正當大家都喺度揣測會搵啲咩人去演番F4同杉菜呢幾個角色時，劇組終於喺上海舉行記者會公布喇！
新F4公布
F4嘅道明寺由嚟自四川19歲的王鶴棣飾演、花澤類由嚟自台北22歲的官鴻飾演，23歲嚟自廣州嘅梁靖康飾演美作，而嚟自深圳21歲的吳希澤就飾演西門。由於2018版本係中資關係，所以唔會用太多台灣演員，咁究竟會由咩人飾演杉菜呢？
小S都有份！
舊版杉菜大S嘅妹妹小S（徐熙娣）一直爭住認頭想延續家姐呢個傳奇，更何況新版有好多小S最愛嘅小鮮肉！據悉，小S原來真係有份拍新一輯《流星花園》！
小S過戲癮
不過，原來小S只係客串演出道明寺嘅貴婦阿媽或者家姐一角。當時小S話想演杉菜嘅時候已經有網民寸佢嘅年紀只合適做道明寺阿媽，估唔到真係畀網民開口中！小S嘅經理人回應確實有收到邀請，但細節同角色就仲未可以透露。小S平時做綜藝節目已經成日戲癮大發，未知今次佢會演釋出一個咩感覺嘅「姑奶」或者「奶奶」呢？
「真」杉菜
至於真正飾演杉菜嘅係新人沈月，柴智屏話係一個導演推薦畀佢，認為有鄰家女孩嘅特質，好適合做杉菜。但有好多網民都表示言承旭、周渝民、朱孝天、吳建豪同大S呢個經典組合係冇人可以取代到，講明唔睇好話新不如舊，大家即管睇下呢個新組合可以畀到啲咩驚喜大家
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
